'
१९ कात्तिक, तुलसीपुर । दाङमा यस वर्ष मकैको उत्पादन बढेको छ । मकै खेतीका लागि समयमै पानी पर्नाका साथै मल बीउ प्रर्याप्त भएकाले उत्पादन वृद्धि भएको कृषि ज्ञान केन्द्रले जनाएको हो ।
कोरोना रोकथाम तथा न्यूनिकरणका लागि गरिएको लकडाउनले गर्दा सबै कृषक घरमै भएकाले पनि उत्पादनमा बृद्धि भएको केन्द्रका कृषि अर्थविज्ञ उमेश चन्द्र श्रेष्ठले बताए । यस वर्ष लकडाउन पनि भयो, सबै किसान घरमै भए, बाहिर कमाउन गएकाहरू पनि घर फर्केकाले र जग्गा पनि बाँझो रहने अबस्था नभएकाले मकै उत्पादनमा वृद्धि भएको हो ।
यस वर्ष कूल २३ हजार ४४८ हेक्टर जमिनमा मकै खेती गरिएकामा ३५ हजार ६५६ मेट्रिकटन मकै उत्पादन भएको छ । गत वर्ष ३५ हजार ४१० मेट्रिकटन मकै उत्पादन भएको थियो । गत वर्षको तुलनामा यस वर्ष २४६ मेट्रिकटन बढी मकै उत्पादन भएको अर्थविज्ञ श्रेष्ठले बताए ।
मकैको उत्पादन बढेकाले किसानहरू पनि खुशी भएका छन् । गढवा गाउँपालिका-७ मोतिपुरका चोकनाथ चौधरीले गत वर्षकोभन्दा यस वर्ष मकैबाली राम्रो भएको बताए । चौधरीले एक बिघा जमिनमा मकै खेती गरेका थिए ।
गत वैशाख महिनामा बसन्ते मकै र त्यसअघि वर्षे मकैको उत्पादन वृद्धि भएको उनको भनाइ छ । सोही ठाउँका रामबहादुर चौधरीको पनि यस वर्ष मकै उत्पादन बढेको छ । उनको वैशाखमा बसन्ते मकै ३० क्वीन्टल र वर्षे मकै २५ क्वीन्टल उत्पादन भएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ग्यापुले सुरु गर्यो जि-क्यास, उपभोक्तालाई जि-क्यास कमाएर नि:शुल्क सपिङ मौका
२०७८ साउन १७ गते आइतवार
कोहलपुर–सुर्खेत प्रसारण लाइनको काम शुरु : ७० करोड खर्च हुने अनुमान
२०७७ मङ्सिर २७ गते शनिवार
रोपाइँको मुखैमा मल अभाव : मौज्दात भएर पनि किसान खाली हात
२०७८ जेष्ठ २७ गते बिहिवार
चितवनमा जीप दुर्घटना हुँदा २ जनाको मृत्यु
२०७७ मङ्सिर २६ गते शुक्रवार