'
१९ कात्तिक, पोखरा । कोरोना संक्रमणबाट पोखरामा थप ६ जनाको मृत्यु भएको छ । कास्कीका पाँच र तनहुँका एक संक्रमितको मृत्यु भएको प्रदेश स्वास्थ्य निर्देशनालयले जनाएको छ ।
मृत्यु हुने ५ पुरुष र १ जना महिला छन् । निर्देशनालयका अनुसार पोखरा ३१ की ४२ वर्षीय कोरोना संक्रमित महिलाको गएराति ११ बजे पोखरा स्वास्थ्य विज्ञान प्रतिष्ठानको कोरोना उपचार केन्द्रमा मृत्यु भएको हो । गत १६ गते कोरोना पुष्टि भएका उनमा कोरोनासँगै अन्य दीर्घ रोग समेत रहेको निर्देशनालयले जनाएको छ ।
यस्तै, पोखरा २६ का ७३ वर्षीय कोरोना संक्रमित पुरुषको आज बिहान ७ बजेर २५ मिनेट जाँदा पोखरा स्वास्थ्य विज्ञान प्रतिष्ठानको कोरोना उपचार कक्षमा मृत्यु भएको छ । गत १५ गते कोरोना पुष्टि भएका उनमा कोरोना सँगै अन्य दीर्घ रोग समेत रहेको निर्देशनालयले जनाएको छ । कोरोना संक्रमणबाट मृत्यु हुने अर्का संक्रमितमा पोखरा २५ र १६ का ५२ र ५९ वर्षीय रहेका छन् । पोखरा २५ का संक्रमितको आज बिहान ७ बजेर ३५ मिनेट जाँदा र वडा नम्बर १६ का संक्रमितको गएराति ११ बजे चरक मेमोरियल अस्पतालमा मृत्यु भएको थियो । मृतक दुवै जनालाई गत १५ गते कोरोना पुष्टि भएको र कोरोनासँगै अन्य दीर्घ रोग दुवै जनामा रहेको निर्देशनालयले जनाएको छ ।
यसैगरी, तनहूँको संक्रमित पुरुषको पनि चरक मेमोरियल अस्पतालमै उपचारको क्रममा निधन भएको छ । तनहूँको ब्यास नगरपालिका ४ का ७० वर्षीय संक्रमितको आज दिउँसो १२ बजेर ४५ मिनेट जाँदा मृत्यु भएको थियो । उनमा पनि अन्य दीर्घ रोग रहेको निर्देशनालयले जनाएको छ । छैटौं मृतक पोखरा १६ का २८ वर्षीय युवक रहेका छन् । उनको गएराति १० बजेर ४५ मिनेट जाँदा मनिपाल टिचिङ अस्पतालमा निधन भएको थियो । उनमा गत १६ गते कोरोना पुष्टि भएको थियो ।
योसहित गण्डकी प्रदेशमा कोरोना संक्रमण कारण मृत्यु हुनेको संख्या ९३ पुगेको जनाइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सरकारले आन्तरिक पर्यटन प्रवर्द्धनका लागि विशेष प्याकेज ल्याउने
२०७७ असोज १० गते शनिवार
जंगली हात्ती छेक्न झापामा झट्का मेसिनको प्रयोग गरिँदै
२०७७ असोज १४ गते बुधवार
स्वास्थ्य संकटको घडीमा स्वास्थ्यमन्त्री पटक-पटक परिवर्तन हुँदा कार्यसम्पादनमा समस्या
२०७८ असार ११ गते शुक्रवार
प्रधानमन्त्री केपी शर्मा ओलीलाई खोप हस्तान्तरण
२०७८ असार २८ गते सोमवार