'
२० कात्तिक, काठमाडौं । भारतका पत्रकार अर्नब गोस्वामीलाई १४ दिनका लागि न्यायिक हिरासतमा पठाइएको छ ।
भारतीय टेलिभिजन रिपब्लिकका प्रधान सम्पादक अर्नबलाई सन् २०१८ मा भएको आत्महत्या घटनामा दुरुत्साहन गरेको आरोपमा बुधबार प्रहरीले पक्राउ गरेको हो । साेही दिनकाे अबेर राति उनलाई हिरासतमा पठाइएको भारतीय सञ्चारमाध्यमले जनाएका छन् ।
पत्रकार अर्नबका वकिल अबाद पोन्डाले धरौटीमा उनको रिहाइका लागि अदालतमा निवेदन दिएका छन् । जसको सुनुवाइ बिहीबार हुने अनुमान गरिएको छ ।
सन् २०१८ मा इन्टेरियर डिजाइनर अन्वय नाइक र उनकी आमा कुमुद नाइकले आत्महत्या गरेका थिए । रिपब्लिक टेलिभिजनले दिनुपर्ने पैसा नदिएका कारण आफ्ना बुबा र हजुरआमाले आत्महत्या गरेको भन्दै डिजाइनरकी छोरीले आरोप लगाएकी छन् ।
सोही मुद्दा अनुसन्धानका लागि प्रहरीले रिपब्लिक टेलिभिजनका प्रधान सम्पादक अर्नबलाई पक्राउ गरेको हो ।
पत्रकार गोस्वामी तलको भिडिओमा आफ्ना शरीरका चोट देखाउँदै भनिरहेका छन्, ‘प्रहरीले मलाई घेराउ गर्याे । हातपात गर्याे, गर्धनमा समात्यो। हेर्नुस्, म बिना जुत्तामा छु ।’
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कक्षा १२ को परीक्षा अनलाइनबाट पनि दिन सकिने
२०७७ कार्तिक १९ गते बुधवार
भारतको दिल्लीमा अक्सिजनपछि अब खोपको अभाव !
२०७८ बैशाख २७ गते सोमवार
पत्रकार ऋषि धमलामा कोरोना भाइरस संक्रमण
२०७७ कार्तिक २३ गते आइतवार
विद्युत् सेवा अवरुद्ध : चार दिनदेखि अन्धकार
२०७७ कार्तिक २१ गते शुक्रवार