'
२१ कात्तिक, काठमाडौं । मुम्बई इण्डियन्स यूएईमा जारी १३औं संस्करणको इन्डियन आईपीएल टी-ट्वान्टी क्रिकेटको फाइनलमा प्रवेश गरेको छ । दुबईमा बिहीबार राति भएको पहिलो क्वालिफायरमा दिल्ली क्यापिटल्सलाई ५७ रनले पराजित गर्दै मुम्बई फाइनलमा प्रवेश गरेको हो ।
दुबईमा खेलिएको खेलमा मुम्बईले पहिलो ब्याटिङ गर्दै २०१ रन को लक्ष्य प्रस्तुत गरेको थियो । जवाफमा दिल्ली क्यापिटल्सले ८ विकेटको क्षतिमा मात्र १४३ रन बनाउन सक्यो । दिल्लीका लागि मार्कस स्टोइनिसले ४६ बलमा ६५ रनको पारी खेले पनि टोलीलाई हारबाट जोगाउन सकेनन् । म्यान अफ द म्याच चुनिएका जसप्रित बुमराहले घातक बलिङ गर्दै ४ ओभरमा मात्र १४ रन खर्चिएर ४ विकेट लिए ।
दिल्लीको शुरुवात निकै खराब रह्यो । टिमले कुनै रन नै नबनाइ तीन विकेट गुमाएको थियो । स्टोइनिसबाहेक अक्षर पटेलले ४२ रनको योगदान दिए । यो सिजन मुम्बई र दिल्ली बीच भएको यो तेस्रो खेल हो । तीनै खेलमा मुम्बईले दिल्लीलाई हराएको छ ।
यसअघि, हार्दिक पान्ड्याले १४ बलमा ३७ रन बनाएपछि मुम्बईले ५ विकेटको क्षतिमा २ सय बनाउन सफल भएको थियो । मुम्बईका लागि ईशान किशनले सर्वाधिक ५५ र सूर्यकुमार यादवले ५१ रनको पारी खेले । दिल्लीका लागि रवीचन्द्रन अश्विनले ३ विकेट लिए ।
हारका बावजुद दिल्लीसँग फाइनलमा पुग्ने अझै एक मौका छ । सनराइजर्स हैदराबाद र रोयल च्यालेन्जर्स बैंगलुरुबीच हुने इलिमिनेटर खेलको विजेतासँग दोस्रो क्वालिफायरमा दिल्लीले खेल्न पाउनेछ । उक्त खेलको विजेता टोली फाइनलमा मुम्बईसँग भिड्नेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ट्रयाक्टर दुर्घटनामा एक जनाको मृत्यु
२०७७ असोज १७ गते शनिवार
तातोपानी नाकाबाट पहिलो पटक नेपालमा भित्रियो रासायनिक मल
२०७७ फाल्गुन २९ गते शनिवार
अवरुद्ध नारायणगढ–मुग्लिन सडकखण्ड सुचारु
२०७७ भाद्र ३० गते मङ्गलवार
काठमाडौं उपत्यकामा थप ३८ जनामा कोरोनाको संक्रमण पुष्टि
२०७७ साउन १६ गते शुक्रवार