'
२१ कात्तिक, काठमाडौं । बैंक अफ काठमाण्डु (बिओके) र हिमालयन बैंकको काउन्टर ग्यारेन्टीवापत फसेको १ अर्ब ४० करोड रुपैयाँ चाइना कन्स्ट्रक्सन बैंकबाट फिर्ता पाउने भएका छन् । दुवै बैंकको रकम चाइना कन्स्ट्रक्सन बैंकले फिर्ता गर्नुपर्नेगरी हेनान प्रान्तको झेङझाओ इन्टरमिडियट कोर्टले आदेश दिएको हो ।
मेलम्ची खानेपानी आयोजनाको ठेकेदार कम्पनी चाइना रेल्वे कम्पनीले चाइना कन्स्ट्रक्सन बैंकमार्फत् बैंक अफ काठमाण्डू र हिमालयन बैंकबाट बैंक ग्यारेन्टीमार्फत् रकम भुक्तानी लिएको थियो । तर सो कम्पनीले आयोजनाको काम बीचैमा छोडिदिएपछि आयोजनाले बैंक ग्यारेन्टी बापतको रकम जफत गरेको थियो ।
कम्पनीको बैंक ग्यारेन्टी जफत भएपछि हिमालयन र बीओकेले चाइना कन्स्ट्रक्सन बैंकसँग त्यस्तो ग्यारेन्टीबापतको रकम भुक्तानी माग गरेको थियो । तर, सो बैंकले यस्तो माग अस्वीकार गरेपछि यो विषय अदालतसम्म पुगेको हो । तर, ठेक्का प्रक्रियामा बैंकहरुको भूमिका नहुने भन्दै बैंक ग्यारेन्टी बापतको रकम भुक्तानी गर्न आदेश दिएको हो ।
यो आदेश प्राप्त भएसँगै बैंक अफ काठमाण्डूको ९० करोड र हिमालयन बैंकको करिब ६६ करोड रुपैंया आउने बाटो खुला भएको छ । त्यसका लागि बैंकहरुले आजै चाइना कन्स्ट्रक्सन बैंकलाई पत्राचार गरेको जनाएका छन् । यसअघि नेपाल इन्भेष्टमेन्ट बैंकले इटालीको अदालतबाट यस्तै प्रकारको मुद्दा जित्दै २ अर्ब रुपैंया फिर्ता पाएको थियो ।
बीओके, हिमालयन र इन्भेष्टमेन्ट बैंकको रकम डुब्दा नेपाली बैंकहरुले विदेशी कम्पनीको लागि लिइदिने बैंक ग्यारेन्टी नै जोखिममा परेको विश्लेषण हुन थालेको थियो । तर दुवै मुद्दा नेपाली बैंकको पक्षमा आएपछि बैंकहरुले बैंक ग्यारेन्टीमा गर्दै आएको लगानी असुरक्षित नरहेको प्रमाणित समेत भएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काँग्रेस संवैधानिक परिषद् बैठकमा सहभागी हुँदैनः केसी
२०७७ पुष १ गते बुधवार
सरकार र चुनावमा सहकार्य गर्न जसपालाई प्रचण्डको प्रस्ताव
२०७७ चैत्र १ गते आइतवार
दाङमा कोरोना संक्रमणबाट एकजना सरकारी कर्मचारीको मृत्यु
२०७७ कार्तिक ७ गते शुक्रवार
बागलुङमा कोदालो प्रहारबाट एकको हत्या, पाँच घाइते
२०७७ फाल्गुन ४ गते मङ्गलवार