'
२३ कात्तिक, काठमाडौं । बंगलादेशको ढाकामा रहेको नेपाली राष्ट्रिय फुटल टिमले आइतबारदेखि मैदानमा अभ्यास खेल सुरु गरेको छ । काठमाडौंबाट बिहीबार ढाका पुगेको नेपाली टिमले आजदेखि अभ्यास सुरु गरेको हो ।
नेपाली फुटबल टिम बंगलादेशको राष्ट्रिय टिमसँग मैत्रीपूर्ण खेल खेल्नका लागि ढाका पुगेको हो । नेपाली फुटबल टिम कोभिड १९ संक्रमणको जोखिमका कारण बिहीबारदेखि ढाकामा होटल क्वारेन्टाइनमा बसेको थियो ।
क्वारेन्टाइनमा रहेकै बेला पनि होटलको छतमा दुई दिन सम्म सामान्य अभ्यास गरेको टीमको पीसीआर रिपोर्ट नेगेटीम आएसँगै आजदेखि मैदानमै अभ्यास गर्न अनुमति पाएको हो ।
यससँगै शेख जमल धनमुण्डी फुटबल मैदानमा पहिलो दिन २ घण्टा भन्दा बढी अभ्यास गरेको छ । ढाका पुगेपछि पहिलोपटक मैदानमा अभ्यास गराउन पाउनुभएका प्रशिक्षक बालगोपाल महर्जनले कोरोनाका कारण केही समस्या देखिएपनि नेपाली टिमले राम्रो नतिजा ल्याउने विश्वास व्यक्त गरे ।
यस्तै कप्तान किरण चेम्जोङले नेपाल र बंगलादेशको स्तर समान रहेकोले पनि मैत्रीपूर्ण खेलमा तीव्र प्रतिस्पर्धा हुने बताए । उनले बंगलादेशसँग मैत्रीपूर्ण खेल खेल्न पाएको अवसरलाई सदुपयोग गर्न नेपाली टोली सक्षम रहेको बताए ।
नेपाली फुटबल टिमले कात्तिक २८ गते र मंसिर २ गते बंगबन्धु स्टेडियममा बंगलादेशसँग मैत्रीपूर्ण खेल खेल्नेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राजसंस्था र हिन्दु राष्ट्र पुनःस्थापनाको माग सहित राप्रपा सडकमा
२०७७ पुष १७ गते शुक्रवार
साहित्यकार मोदनाथ प्रश्रितले पद्मश्री साधना पुरस्कार नलिने
२०७७ असोज १२ गते सोमवार
दशैंमा आपराधिक घटनामा कमी
२०७७ कार्तिक १३ गते बिहिवार
रहेनन् कांग्रेस नेता तिमिल्सिना, कोरोना सङ्क्रमणबाट निधन
२०७७ पुष २८ गते मङ्गलवार