'
२४ कात्तिक, काठमाडौं । विश्व स्वास्थ्य संगठनका महानिर्देशक टेड्रोस आधनाम गेब्रियोसले अमेरिकाक राष्ट्रपतिमा निर्वाचित जो बाइडेन तथा उपराष्ट्रपति कमला ह्यारिसलाई बधाई दिएका छन् । उनले आइतबार ट्वीट गरेर बधाई ज्ञापन गरेका हुन् ।
साथै उनले सो बधाईसँगै आफू फेरि उनीहरुसँग काम गर्न इच्छुक रहेको बताएका छन् । उनले ट्वीटमा भनेका छन्– अमेरिकी राष्ट्रपति र उपराष्ट्रपतिमा विजयी हुनुभएकोमा तपाईँहरुलाई बधाई छ, म पनि यहाँहरु र यहाँको टिमसँग मिलेर काम गर्न इच्छुक छु ।
संयुक्त राज्य अमेरिकाले विश्व स्वास्थ्य संगठनबाट निस्किने निर्णय गरेको थियो । यसप्रति उक्त संगठनले पनि विगतमा दुःख व्यक्त गरेको हो । महानिर्देशक टेड्रोस आधनाम गेब्रियोसले सो ट्वीटमा अमेरिकाले विश्व स्वास्थ्य संगठनमा पुनः फर्किन आग्रह पनि गरेका छन् ।
महानिर्देशक गेब्रियोसले जो बाइडेन र कमला ह्यारिसलाई विश्व स्वास्थ्य संगठनमा पुनः आउन पनि आग्रह गरेका छन् । आइतबार मात्र एक अमेरिकी दैनिक पत्रिकाले राष्ट्रपति जो बाइडेनले आफूले राष्ट्रपतिको सपथ लिएपछि विश्व स्वास्थ्य संगठनमा अमेरिका पुनः फर्किने बारेमा निर्णय गर्न सक्ने अनुमान गरेर समाचार लेखेको थियो ।
त्यस लगत्तै यता विश्व स्वास्थ्य संगठनका महानिर्देशक टेड्रोस आधनाम गेब्रियोसले अमेरिकाका बाइडेन तथा ह्यारिसलाई बधाई दिदै सो प्रसंग उल्लेख गरेका हुन् । -एएनआई
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बाढीले बेँसीशहर-चामे सडक बगायो
२०७७ साउन २२ गते बिहिवार
अब देशभरका भन्सार कार्यालय कडा निगरानीमा
२०७७ पुष १६ गते बिहिवार
शुक्रराज अस्पतालमा कोरोना संक्रमितले मात्रै भर्ना पाउने
२०७७ चैत्र ३१ गते मङ्गलवार
अफगानिस्तान : बम आक्रमणमा एक प्रहरी अधिकारीको मृत्यु, ६ जना घाइते
२०७७ माघ २४ गते शनिवार