सूचना प्रविधि

अब ‘हाम्रोपात्रो’बाटै बिदेशमा रहेका नेपालीले नेपालमा गिफ्ट पठाउन सकिने, तिहारका लागि विशेष भाई मसला तयार

Hamro Gifts

२४ कात्तिक, काठमाडौं । विदेशमा रहेका नेपालीले स्वदेशमा रहेका आफन्तलाई नेपाली एप ‘हाम्रो पात्रो’बाट गिफ्ट पठाउन सकिने भएको छ । कम्पनीले विदेशमा रही नेपालस्थित आफ्ना आफन्त तथा साथीभाइलाई विभिन्न उपहार सामग्री पठाउन सकिने गरी ‘हाम्रो गिफ्ट’ सेवा सुरु गरेको हो ।

तिहार तथा भाइटीकाका लागि कम्पनीले प्रिअर्डर लिन सुरु गरिसकेको छ । उपहार सामग्री तथा मिति चयन गरी प्रिअर्डर गर्न सकिनेछ । यसरी चयन गरिएको मितिमै डेलिभरी सेवा उपलब्ध गराइनेछ । तिहारलाई लक्षित गरेर कम्पनीले नोभेम्बर १६ सम्मका लागि २५ डलर माथिको अर्डरमा डेलिभरी निःशुल्क गराएको छ ।

भाई टीकाका लागि विशेष रुपमा भाई मसलाका तीनवटा कम्बो प्याक तयार पारिएका छन् । जसमा भ्यालु प्याक, स्ट्याण्डर्ड प्याक र प्रिमियम कम्बो प्याक रहेका छन् । हाललाई हाम्रोपात्रोले काठमाडौं उपत्यका भित्रका तीनवटै जिल्लामा उपहार सामग्रीको डेलिभरी सेवा उपलब्ध गराउनेछ । विदेशमा रहेका व्यक्तिले इन्टरनेसनल कार्डबाट भुक्तानी गरी गिफ्ट पठाउन अर्डर दिन सक्नेछन् । यसरी प्राप्त अर्डर २४ घण्टाभित्र डेलिभरी दिइने हाम्रोपात्रो इंकले जनाएको छ ।

‘हाम्रो गिफ्ट’मा लक्ष्मीपूजाको लागि आवश्यक बत्ती, मूर्ति, दियो, फूलमाला आदि जस्ता उपहार सामग्रीहरु समावेश गरिएको छ । लिक्वेर, विद्युतीय सामग्री, झिलिमिली बत्ती, मिठाई, केक, चकलेट, टेडी बियर, कार्ड, घडी, बडी स्प्रे तथा परफ्यूम, मोबाइल फोन, कपडा, होम अप्लायन्सेस, ड्राइ फ्रुट, फोटो फ्रेम, जुस लगायतका सामग्री समेत हाम्रोपात्रोबाट अर्डर गर्न सकिनेछ ।

कुनै पनि गिफ्ट आइटम अर्डर गर्दा त्यहाँ देखिने सन्देश लेख्ने ठाउँमा पठाउन खोजिएको गिफ्टमा अभिव्यक्त गर्न खोजिएको सन्देश लेख्न सकिने छ । उक्त सन्देशलाई प्रिन्ट गरी गिफ्ट आइटममा संलग्न गरिने कम्पनीले जनाएको छ । हाल वेबसाइटमा उपलब्ध रहेको हाम्रो पात्रोको ईकमर्स सेवा चाँडै मोबाइल एपमा उपलब्ध हुने कम्पनीले जनाएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *