'
२४ कात्तिक, काठमाडौं । प्रहरीले कर्तव्य ज्यान मुद्दाका एक फरार अभियुक्तलाई १६ वर्षपछि पक्राउ गरेको छ । चितवनको कठराका जीवन लोहनीको हत्या संलग्न भई फरार रहेका झापाका रामकुमार गिरीलाई महानगरीय अपराध महाशाखाले पक्राउ गरेको हो ।
काठमाडौं रानीबारी बस्ने १८ वर्षीय लोहनीको हत्या आरोपमा झापाको मेचीनगर नगरपालिका–७ आर्याबारीका ३३ वर्षीय गिरीलाई भक्तपुर चाँगुनारायण नगरपालिकाबाट सोमबार पक्राउ गरेको महाशाखाका प्रमुअ प्रहरी बरिष्ठ उपरीक्षक दीपक थापाले बताए ।
गिरीलाई लोहनीको हत्या अभियोगमा काठमाठौं जिल्ला अदालतले उनलाई २०६४ असार ११ गते कैद सजाय तोकिएको थियो । लोहनीको २०६१ माघ ११ गते काठमाडौंको सामाखुशीमा हत्या गरेपछि गिरी फरार थिए । मृतक लोहनीले प्रकाश लामाले कानमा लगाएको मुन्द्रा मागेका थिए ।
लामाले नदिएपछि लोहनीले लामालाई कुटपिट गरेको निहुँमा गिरीले लोहनीलाई हत्या गरेको अनुसन्धानबाट खुलेको थियो । उक्त घटनापछि उनी केही समय विदेशमा समेत बसी पुनः नेपाल आई सनोज गिरीको नामबाट नेपालका विभिन्न स्थानमा लुकीछिपी बस्ने गरेका थिए ।
उनलाई महाशाखाको विशेष टोलीको नियमित निगरानीमा रहेको महाशाखाले जनाएको छ । उनलाई आवश्यक कारवाहीको लागी काठमाण्डौं जिल्ला अदालत बुझाईएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
साताको पहिलो दिन ७१ अंकले बढ्यो सेयर बजार
२०७८ भाद्र २७ गते आइतवार
वैदेशिक रोजगारीमा जानेका लागि एनसेलको ‘सहयात्री सिम’
२०७७ फाल्गुन १४ गते शुक्रवार
चितवनमा कोरोना सङ्क्रमणको बढ्दो जोखिमः विद्यालयमा विद्यार्थी सङ्ख्या घट्न थाले
२०७८ बैशाख ३ गते शुक्रवार
डेंगु संक्रमणबाट कञ्चनपुरमा २८ बर्षिया एक युवाको मृत्यु
२०८० भाद्र १२ गते मङ्गलवार