मनोरञ्जन ताजा समाचार

टेलिभिजन फेरेर ‘सक्किगोनी’ प्रसारणमा आउने

sakkigoni

२५ कात्तिक, काठमाडौं । लोकप्रिय हास्य श्रृङ्खला ‘सक्किगोनी’ प्रसारण हुने भएको छ । नेपाल टेलिभिजनबाट प्रसारण हुँदै आएको श्रृंखला अब भने हिमालय टेलिभिजनबाट प्रसारण हुन लागेको हो ।

कोरोना महामारीका कारण केही महिना रोकिएको श्रृङ्खला पुन: संचालनमा आउन लागेको कार्यक्रमका निर्देशक कुमार कट्टेल ‘जिग्री’ले जानकारी दिएका छन् । आगामी मंसिर २५ गतेदेखि हरेक बिहीबार राति ८ बजे हिमालय टेलिभिजनबाट प्रसारण हुने उनले बताए ।

हिमालय टेलिभिजनको लगानीमा उत्पादन हुने ‘सक्किगोनी’ श्रृङखलालाई जेपिटी क्रियसनले निर्माण गर्ने भएको हो । कार्यक्रमको बजारीकरण भने एपप्याड प्रालिलाई अनुबन्ध गरेको टेलिभिजनका कार्यकारी निर्देशक श्याम कँडेलले  जानकारी दिए ।

कट्टेलले सक्किगोनीलाई थप उचाइमा पुर्‍याउन हिमालय टिभीसँग सहकार्य गरेको बताए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस