'
२६ कात्तिक, काठमाडौं । ‘विप्लव समूह’को नाममा काठमाडौंमा धम्क्याएर चन्दा माग्ने चारजनालाई प्रहरीले पक्राउ गरेको छ ।
महानगरीय अपराध महाशाखाले जबरजस्ती चन्दा असुलीका लागि टेलिफोनबाट धम्क्याउने समूह मध्येका चार जनालाई पक्राउ गरेको जनाएको छ । महाशाखाको प्रहरी टोलीले उनीहरूलाई काठमाडौंका विभिन्न स्थानहरुबाट पक्राउ गरेको हो ।
पक्राउ पर्नेमा नुवाकोट ककनी २ का ३३ वर्षीय बिन्तोष सिलवाल (सुनार), रामेछाप, सुनापती ३ का ३१ वर्षीय रामदल श्रेष्ठ (अटल), काभ्रे, तिमाल ५ का ५२ वर्षीय तिर्थमान तामाङ र चितवन, भरतपुर १३ का ४२ वर्षीय नन्दुराज आचार्य रहेको महाशाखाले जनाएको छ ।
उनीहरूले काठमाडौं उपत्यकालगायत विभिन्न स्थानका व्यवसायीहरुलाई फोन गरी नेकपा, विप्लव समूहको पूर्व जिल्लासेक्रेटरी र कार्यकर्ता हौं भनी ३ करोड चन्दा माग गरेका थिए ।
साथै उनीहरूले माग गरे बमोजिम चन्दा नदिएमा भौतिक कारवाही गर्ने धम्कीसमेत दिएका थिए । उनीहरुलाई ‘आपराधिक लाभ’ लिन खोजेको मुद्धामा अदालतबाट ३ दिनको म्याद लिएर महानरीय प्रहरी परिसर काठमाडौंले थप अनुसन्धान गरिरहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राष्ट्रपतिबाट थप महानुभावलाई मानपदवी, अलङ्कार र पदकबाट सुशोभन
२०७८ बैशाख १ गते बुधवार
भरतपुरमा बबसले स्कुटरलाई ठक्कर दिँदा तीनको मृत्यु
२०७७ चैत्र १५ गते आइतवार
एक वडाको पानी निकास गर्दा अर्को वडामा डुबान
२०७८ साउन ७ गते बिहिवार
तेस्रो चरण पेट्रोलियम पदार्थ उत्खननका लागि चिनियाँ टोली आउने
२०७७ चैत्र ३ गते मङ्गलवार