'
२६ कात्तिक, काठमाडौं । समृद्धि स्कुल र विशाल फाउण्डेशनको संयुक्त आयोजनामा राजधानीमा सम्पन्न भएको योङ इन्टरप्रेनर्सिप कन्क्लेभ २०२० मा सहभागी युवा उद्यमी तथा विद्यार्थीहरुले स्टार्टअप आइडियामाथि लगानि बढाउन सरकारसँग माग गरेका छन् ।
गत कार्तिक २० गतेदेखि २५ गतेसम्म सञ्चालन भएको उक्त कार्यक्रममा कन्क्लेभ स्टुडियोमार्फत ३ दर्जन अतिथि सहभागी भए भने वेबिनारमार्फत १ हजार भन्दा बढि युवा उद्यमी तथा विद्यार्थीहरुको सहभागीता जनाएका थिए । विभिन्न सेसनहरुमा बोल्दै युवाहरुले आफुहरुको आइडिया माथी सरकारले बिउपुँजी र तालीमको अवसर प्रदान गरे नेपालमै केहि गर्ने रहर रहेको बताएका थिए ।
विभिन्न सेसनमा बोल्ने सरकारका प्रतिनिधि, निजि क्षेत्रका वरिष्ठ उद्यमी र बैंकरहरुले उत्कृष्ट आइडिया भएका स्टार्टअपहरुलाई शून्य ब्याजदरमा कर्जा सरकारले उपलब्ध गराउन सके भविष्यमा धेरै ठूला ब्यवसायकारुपमा स्टार्टअपहरु बिस्तार हुने बताएका थिए ।
युवा उद्यमी तथा विद्यार्थीहरुमा केन्द्रित रहेको कार्यक्रमले युवा विद्यार्थीवर्गलाई उद्यमशीलतामा लाग्न अभिप्रेरित गरेको तथा अगुवा उद्यमीहरुको उद्यम अनुभवबाट उद्यमशीलताका सम्भावित समस्या र चुनौति तथा प्रक्रियाको बारेमा ज्ञान आर्जन गर्न सक्ने एउटा महत्वूुर्ण अवसर भएको आयोजक संस्था विशाल फाउण्डेशनका अध्यक्ष नरेश प्रसाद श्रेष्ठले बताए । त्यसैगरी कोरोनाभाइरस महामारीपछि संसारभर आर्थिक पुनरुत्थानको एजेण्डा प्रमुख रुपमा उठ्ने भन्दै फाउण्डेशनका प्रमुख कार्यकारी अधिकृत विशाल गैरेले आगामी दिनमा सरकारले सीप विकास र उत्पादनशील क्षेत्रमा सहुलियत कर्जाको ब्यवस्था गनुपर्नेमा जोड दिए ।
पुर्व अर्थमन्त्री सुरेन्द्र पाण्डे, पुर्व अर्थमन्त्री एवं पुर्व सचिव शंकरप्रसाद कोइराला, बागमती प्रदेश सरकारका उद्योग, पर्यटन, वन तथा वातावरण मन्त्री अरुण नेपाल र सामाजिक विकास मन्त्री युवराज दुलाल, राष्ट्रिय योजना आयोगका सदस्य डा. उषा झा, अर्थ मन्त्रालयका प्रमुख आर्थिक सल्लाहकार डा. प्रकाशकुमार श्रेष्ठ, सीटीईभीटीका सदस्य सचिव डा. पुस्परमन वाग्ले, प्रधानमन्त्रीका आइटी विज्ञ अस्गर अली, बरिष्ठ उद्यमी हरिभक्त सर्मा, हेमराज ढकाल, हेमाकुमारी अधिकारी, सुदिप आचार्य, बैंकर मनोज ज्ञवालीलगायतका स्पीकरहरुले कार्यक्रमलाई सम्बोधन गरेका थिए । प्रत्येक बर्ष कार्यक्रमलाई निरन्तरता दिने र यस्ता कार्यक्रमले युवा, बिद्यार्थीलाई उद्यमी बन्न अभिप्रेरित गर्ने आयोजकको भनाइ रहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दूरसञ्चारद्वारा फाइभ जीको फ्रिक्वेन्सी निर्धारण
२०७७ फाल्गुन ३ गते सोमवार
बङ्लादेशमा प्रहरी र प्रदर्शनकारीबीच झडप, दर्जनौं घाइते
२०७७ फाल्गुन १६ गते आइतवार
निर्माण हुँदै गरेको घरको दोस्रो तलाबाट खसेर मजदुरको खसेर मृत्यु
२०७७ माघ १७ गते शनिवार
कोभिडसँग सम्बन्धित निःशुल्क परामर्श अब मिदासको ‘मेरो डाक्टर’ एप मार्फत
२०७८ जेष्ठ १३ गते बिहिवार