विश्व/प्रवास

लगातार दुर्घटना भएपछि ग्राउन्ड गरिएको बोइङको ७३७ म्याक्स विमानलाई पुनः उडानको अनुमति

max boeing

३ मंसिर, काठमाडौं । लगातार दुर्घटना भएपछि ग्राउन्डेड गरिएको  बोइङको ७३७ म्याक्स विमानलाई २० महिनापछि पुनः यात्रुहरु बोक्न अनुमति दिइएको छ ।

३४६ जनाको ज्यान जाने गरी भएका लगातार दुई विमान दुर्घटनापछि बोइङको सबैभन्दा धेरै बिक्री भएको विमानलाई सन् २०१९ को मार्चमा विश्वभर ग्राउन्डेड गरिएको थियो । दुर्घटनापछि गरिएको अध्ययनमा प्लेनमा जडान गरिएको सुरक्षा उपायले विमानलाई तीव्र गतिमा उचाइ लिन रोक्ने र विमानको अग्रभागलाई तल पार्ने र दुर्घटना गराउने पाइएको थियो ।

विमानलाई उक्त समस्या सुधार गरेर पुनः उडानको अनुमति लिन एक वर्षभन्दा बढी समय लाग्यो । यसले बोइङलाई २० अर्ब डलर घाटा भएको कम्पनीले जनाएको छ । यस दौरान विमानको खरिद पनि रोकिएकाले यो गल्तीलाई कुनै कम्पनीले गरेको सबैभन्दा महँगो गल्ती बनाएको छ । अनुमति पाएसँगै विमानको सेयर ५ प्रतिशतले बढेको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस