'
४ मंसिर, झापा । सन्राइज बैंकले झापाको अर्जुनधारा गोलधापमा शाखारहित बैंकिङ सेवाको सुरु गरेको छ ।
सो शाखारहित बैंकिङ सेवा सञ्चालनमा आएसँगै बैंकको शाखारहित बैंकिङ सेवा संख्या ५३ पुगेको छ । बैंकले झापाको अर्जुनधारा नगरपालिका ९, गोलधापमा खोलेको शाखारहित बैंकिङ सेवाको प्रतिनिधिका रुपमा सुमन राईलाई नियुक्त गरेको छ ।
अर्जुनधारा नगरपालिकाका मेयर राना मगर र बैंकको प्रदेश १ का प्रमुख विवेककुमार निरौलाले संयुक्त रुपमा शाखारहित सेवाको प्रतिनिधिलाई पोइन्ट अफ सेल मेसिन हस्तान्तरण गरे । बैंकिङ सेवाको माध्यमबाट बचत तथा भुक्तानीका लागि शाखा कार्यालय नभएको ठाउँबाट समेत शाखारहित बैंकिङ सेवाअन्तर्गत एटीएम कार्डमार्फत कारोबार गर्न सकिने बैंकले जनाएको छ ।
यस सेवाबाट ग्राहकवर्गले निक्षेप सकंलन, रकम भुक्तानी, रकम स्थानान्तरण, बिल भुक्तानीजस्ता सेवाहरु लिन सकिने जनाएको छ । कृषि र रेमिट्यान्स मुख्य आयस्रोत रहेको सो क्षेत्रका बासिन्दामा बैंकिङ पहुँच बढाउने उद्देश्यसाथ सेवा सुरु गरेको बैंकले जनाएको छ ।
हालसम्म सन्राइज बैंकले १३९ शाखा, ५३ शाखारहित बैंकिङ सेवा, ११ एक्सटेन्सन काउन्टर र १६१ वटा एटीएममार्फत आफ्ना सात लाखभन्दा बढी ग्राहकलाई सेवा प्रदान गर्दै आइरहेको जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेप्सेमा पहिरो, डेढ घण्टामा १३६.७२ अंकको गिरावट
२०७८ भाद्र २० गते आइतवार
१० बुँदे कार्यान्वयन नभएकोमा भीम रावल असन्तुष्ट
२०७८ असोज ८ गते शुक्रवार
आजको सेयर बजार : १६.९७ अंकले घट्यो नेप्से, कारोबार रकम पनि ७ अर्बमा खुम्चियो
२०७८ असार १० गते बिहिवार