'
७ मंसिर, काठमाडौं । साताको पहिलो दिन तीव्र उतारचढाव देखिएको सेयर बजारमा अहिलेसम्मकै उच्च करिब सात अर्बको कारोबार भएको छ । आइतबार सेयर बजार परिसूचक नेप्से ४.६९ अंकले वृद्धि भएर १७८२.८१ अंकमा बन्द भएको छ ।
बजार परिसूचक नेप्से सामान्य वृद्धि हुँदा ६३ हजार ३२४ वटा कारोबारबाट २०१ कम्पनीको एक करोड ५९ लाख ६५ हजार ५२६ कित्ता सेयर किनबेच भएको छ । जसकारण अहिलेसम्मकै उच्च ६ अर्ब ८७ करोड ८७ लाख ८८ हजारको कारोबार भएको छ ।
बजारमा कारोबार सुरु हुनेबित्तिकै नेप्से परिसूचक बढेर १ हजार ८ सय ११ अंकमा पुगेको थियो । त्यसलगत्तै २५ अंकले बजार घटेपछि बजारमा खरिदकताएको चाप उच्च देखिन थाल्यो । बजारमा खरिदको चाप सुरु भएसँगै मध्यान्हसम्ममा बजार फेरि पुरानै अंकमा फर्किएको थियो ।
त्यसपछिको अढाई घण्टासम्म भने बजार घट्दो क्रममा रह्यो । बजारमा बक्रिेताको चाप देखिँदा खरिदकर्ताहरुले मूल्य घटाएर सेयर उठाए । बजार बन्द हुनुभन्दा आधा घण्टा अघिसम्म पनि नकारात्मक अवस्थामा रहेको कारोबारले अन्तिम समयमा रिकभर गर्दा परिसूचकमा झिनो सुधार आएको हो ।
यो दिन बजारमा वाणिज्य बैंक समूहमा उछाल देखियो । बिहीबार ३६ अंकले बजार बढेर पनि बढ्न नसकेको वाणिज्य बैंक समूह आइतबार भने अरु समूहमा गिरावटका बाबजुद पनि उत्साहजनक ढंगले बढ्न सफल भयो । विकास बैंक र अन्य समूहमा झिनो वृद्धि हुँदा व्यापारमूलक र होटल समूहले भने उच्च दरको गिरावट व्यहोर्न बाध्य भयो ।
आइतबार सिटिजन्स म्युचुअल फण्ड–२ र जेविल्स फाइनान्सको शेयरमूल्यमा सकारात्मक सर्किट लाग्दा प्रभु बैंक, नबिल बैंक, अजोड इन्स्योरेन्स, नेको इन्स्योरेन्स लगायतको शेयरमूल्ष्यमा उच्च वृद्धि देखियो । माउन्टेन हाइड्रोपावर, राष्ट्रिय बीमा कम्पनीको संस्थापक सेयर, साल्ट ट्रेडिङ लगायतको सेयरमूल्यमा भने उच्च गिरावट आएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राप्रपाको ३१ औं स्थापना दिवस मनाइयो
२०७८ जेष्ठ १५ गते शनिवार
राष्ट्रपतिले वितरण गरेको पदकमा चुच्चे नक्सा प्रयोग नगरिएको भन्दै माइतीघरमा युवा संघको प्रदर्शन
२०७७ चैत्र २८ गते शनिवार
कृष्णप्रसाद अधिकारी हत्या प्रकरणः आरोपित १३ जनाले पाए सफाई
२०७७ चैत्र २९ गते आइतवार
कोरोनाबाट सङ्क्रमित अर्मेनियाका राष्ट्रपति अस्पताल भर्ना
२०७७ पुष २९ गते बुधवार