'
८ मंसिर, काठमाडौं । छिमेकी राष्ट्र भारतका विदेश सचिव हर्षवर्धन श्रृंगाल बिहीबार नेपाल आउने भएका छन् । श्रृंगाल दुई दिने नेपाल भ्रमणका लागि नेपाल आउन लागेको नेपालस्थित भारतीय दूतावासले जानकारी दिएको छ ।
विदेश सचिव श्रृंगलाले कार्यभार सम्हालेपश्चात नेपालका लागि उनको यो पहिलो भ्रमण हो । यो भ्रमण भारतको नेपालसँगको सम्बन्धको प्राथमिकता र दुई देशबीचको नियमित उच्चस्तरीय आदानप्रदानको निरन्तरता अनुरुप रहेको दूतावासले जनाएको छ । भ्रमणको क्रममा विदेश सचिवले आफ्नो समकक्षी र अन्य विशिष्ट नेपाली अधिकारीहरुलाई भेटेर दुई देशबीच विस्तृत द्विपक्षीय सहयोगको बारेमा छलफल गर्नेछन् ।
‘नेपालसँग भारतको ऐतिहासिक तथा मानव सभ्यताका कडीहरु जोडिएको छ । हालका वर्षहरुमा भारतको सहयोगमा कैयौं प्रमुख पूर्वाधार तथा अन्तरदेशीय कनेक्टिभिटि परियोजनाहरु सम्पन्न हुनुका साथै द्विपक्षीय सहयोग सुदृढ भएको छ । भारत र नेपालबीच रहेको द्विपक्षीय सम्बन्धलाई अझ अघि बढाउन यो भ्रमण निकै नै महत्वपूर्ण हुनेछ,’ दूतावासद्वारा जारी विज्ञप्तिमा भनिएको छ ।
यसअघि भारतीय गुप्तचर प्रमुख सामन्त गोयल र भारतीय सेना प्रमुख मनोजमुकुन्द नरवणेले नेपाल भ्रमण गरेका थिए । राजनीतिक नक्साको विवादका कारण नेपाल–भारतबीचको संवाद ठप्पजस्तै रहेकोमा पछिल्लो समय सकारात्मक सुरुवात भएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हितकुमारी आमाको हितपूर्ण निर्णय !
२०८० असोज १७ गते बुधवार
नेकपा फुटेको छैन : उपप्रधानमन्त्री पोखरेल
२०७७ पुष २८ गते मङ्गलवार
टर्कीबाट ल्याइएका ओखरको बिरुवा अनुदानमा कृषकलाई वितरण
२०७७ फाल्गुन २० गते बिहिवार
पाठ्यक्रम लागू गर्न दरबन्दी नै सिर्जना गरेर शिक्षक पठाइने
२०७७ मङ्सिर १३ गते शनिवार