'
११ मंसिर, काठमाडौं । नेकपा (माओवादी केन्द्र) का अध्यक्ष गोपाल किराँतीले नेत्रविक्रम चन्द विप्लवसँग पार्टी एकता गरिने बताएका छन् । यही मंसिर ८ गतेदेखि मंसिर १० गतेसम्म काठमाडौं बसेको पार्टीको केन्द्रीय समितिको छैठौं बैठकले निर्णय सार्वजनिक गर्न बिहीबार राजधानीमा आयोजित कार्यक्रममा उनले यस्तो बताएका हुन् ।
कार्यक्रममा बोल्दै पार्टीका अध्यक्ष किराँतीले अब व्यापक ध्रुवीकरणमा जाने बताउँदै त्यसका लागि विप्लवसँग छलफल भैरहेको बताए । उनले भने, ‘आगामी बैशाखमा राष्ट्रिय सम्मेलन हुँदैछ, त्यतिवेलासम्म वातावरण बन्छ ।’ बैठकले देशभक्त समाजवादी आन्दोलनको तयारी गर्दै साझा कार्यसूचीमा संयुक्त आन्दोलनबारे सक्रिय सहभागी हुने निर्णय गरिएको पार्टीले जारी गरेको विज्ञप्तिमा भनिएको छ ।
विज्ञप्तीमा भनिएको छ–‘देशभक्तिपूर्ण राष्ट्रिय स्वाधीनता, पहिचान आधारित जनवाद र समाजवादी सुविधाको जनजीविका सुनिश्चित गर्न, एमसीसी र भूमि अतिक्रमण जस्ता इण्डो–अमेरिकन आतंक विरुद्ध जनप्रतिरोध आन्दोलन सशक्त बनाउन, डवल नेकपा सरकारका भ्रष्टाचारी, फासिवादी, राष्ट्रघाती हर्कतको विरोध गर्न, एकल रुपमा देशभक्त समाजवादी आन्दोलनको तयारी गर्दै साझा कार्यसूचीमा संयुक्त आन्दोलनबारे सक्रीय सहभागी हुने निर्णय गरियो ।’
त्यस्तै, कार्यक्रममा पार्टीका उपाध्यक्ष विनोदकुमार उपाध्यायले धन्यवाद मन्तव्य राखेका थिए । उनले नयाँ ढंगको विचारको विकास गरिराखेको सुनाउँदै एकजुट भएर क्रान्तिकारी विचारको विकास गर्नुपर्नेमा जोड दिए। उनले देशभक्तिपूर्ण आन्दोलन गर्नुको पनि बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कर्मचारीमा कोरोना सङ्क्रमण पुष्टि भएपछि नगरपालिकाको सेवा बन्द
२०७७ असोज २४ गते शनिवार
नागढुङ्गा नाकामा ‘स्वास्थ्य जाँच केन्द्र’ स्थापना
२०७८ बैशाख २३ गते बिहिवार
कोरोना संक्रमणदर स्थिर नहुँदा बन्दाबन्दीकाे आँकलन, फेरि निषेधाज्ञा होला त ?
२०७८ साउन ९ गते शनिवार
गुल्मीमा निषेधाज्ञाको अवज्ञा गरेर बस चलाउने चालक नियन्त्रणमा
२०७८ बैशाख २५ गते शनिवार