'
१४ मंसिर, काठमाडौं । माछापुच्छ्रे बैंकको स्थगित भएको वार्षिक साधारणसभा यहि पुष २ गते बस्ने भएको छ ।
यसअघि बैंकले कात्तिक ६ गतेका लागि साधारणसभा बोलाएको थियो । कोरोना भाइरस संक्रमणको त्रास र चाडपर्वका कारण सभा स्थगित गर्ने निर्णय गरेको थियो ।
सभामा बैंकले ७.०३ प्रतिशत बोनस सेयर र ३.३७ प्रतिशत नगद लाभांश (करसहित) वितरण गर्ने प्रस्ताव पारित गराउँदै छ भने अन्य उपयुक्त संस्थासँग मर्जर, एक्विजिसन गर्न तथा वैदेशिक रणनीतिक साझेदारीमा जान उपयुक्त देखिएमा सो सम्बन्धि सम्पूर्ण कार्य गर्न सञ्चालक समितिलाई अख्तियारी दिने प्रस्ताव पनि छ ।
सर्वसाधारण सेयरधनीका तर्फबाट सञ्चालक समितिमा प्रतिनिधित्व गर्ने ३ जना सञ्चालकको नियुक्ति गर्ने प्रस्ताव छ भने साधारण सभा तथा लाभांश वितरण प्रयोजनका लागि बैंकले असोज २२ गते बुक क्लोज गरिसकेको छ ।
असोज २१ गतेसम्म कायम सेयरधनीले मात्र लाभांश प्राप्त गर्न तथा सभामा सहभागी हुन पाउनेछन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बजारमा सिटामोलसम्म पाउन सकस, संक्रमित समस्यामा पर्न सक्ने
२०७८ जेष्ठ २६ गते बुधवार
ओखलढुंगामा चट्याङ लागेर एक घाइते, एक घर जल्यो
२०७८ बैशाख २८ गते मङ्गलवार
तिहार नजिकिँदा ढाका टोपीको व्यापार बढ्यो
२०७७ कार्तिक २६ गते बुधवार
काठमाडौंबाट नक्कली डिएसपी पक्राउ
२०७८ जेष्ठ ३१ गते सोमवार