'
१६ मंसिर, भक्तपुर । भक्तपुर–काठमाडौं ६ लेन सडकको मध्यपुर थिमि नगरपालिका ४ एसएस चोकमा गएराति स्कुटर दुर्घटना हुँदा एकजनाको मृत्यु भएको छ ।
महानगरीय प्रहरी परिसर भक्तपुरका अनुसार भक्तपुरबाट काठमाडौंतर्फ जाँदै गरेको बा ७३ प ३८२ नम्बरको स्कुटी अनियन्त्रित भई आफै दुर्घटना हुन पुगेको थियो । उक्त घटनामा परी स्कुटर चालक मध्यपुर थिमि नपा ९० राधेराधे बस्ने २९ वर्षीय राजु तामाङको मृत्यु भएको परिसरले जनाएको छ ।
परिसरका प्रवक्ता प्रहरी नायब उपरीक्षक दीपक गिरीले स्कुटर एसएस चोकमा रहेको ट्राफिक आइल्याण्डलाई ठक्कर दिई दुर्घटना भएको जानकारी दिए । उनका अनुसार दुर्घटनामा परी घाइते तामाङको मध्यपुर अस्पतालमा प्राथमिक उपचार पश्चात थप उपचारको लागि नर्भिक अस्पताल लगिएकोमा त्यहाँ पुग्नेबित्तिकै चिकित्सकले मृत घोषणा गरेका थिए ।
घटनास्थलमा महानगरीय प्रहरी वृत्त थिमीबाट अनुसन्धान अधिकृत सहितको प्रहरी टोली खटिइ प्रारम्भिक अनुसन्धान कार्य गरिएको र थप अनुसन्धान भइरहेको प्रहरी नायब उपरीक्षक गिरीले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
स्वरोजगार बन्दै दृष्टिविहीन युवा
२०७७ असोज १८ गते आइतवार
शिकार आरक्षमा आगलागी हुँदा ३० हेक्टर वन नष्ट
२०७७ चैत्र ४ गते बुधवार
कास्की निर्वाचन क्षेत्र नं १ः आठ करोडका ७७ योजना सार्वजनिक
२०७७ मङ्सिर २२ गते सोमवार
थप २ हजार ५४८ मा कोरोना संक्रमण पुष्टि, ५५ जनाको मृत्यु
२०७८ साउन २४ गते आइतवार