'
१८ मंसिर, काठमाडौं । लगातार उकालो लागेको सेयर बजार साताको अन्तिम दिन भने ब्रेक लागेको छ ।
सेयर बजार परिसूचक (नेप्से) बिहीबार १५.५७ अंकले ओरालो लागेर २०५५.४५ अंकमा रोकिएको छ । कारोबारमा सामेल भएका २ सय कम्पनीको ८ अर्बभन्दा बढीको सेयर कारोबार भएको छ । पुनर्बीमा कम्पनी एउटैको एक अर्बभन्दा बढीको कारोबार भएको छ । यसको १ करोड ५८ लाख ८९ हजार भन्दा बढी कित्ता सेयर कारोबार भएको छ ।
खरिदबिक्री भएकामध्ये हाइड्रोपावर र माइक्रोफाइनान्स समूहको सूचक मात्र वृद्धि भएको छ । बाँकी सबै समूह ओरालो लागेको छ । जीवन बीमा समुहको सबैभन्दा बढी घटेको छ । अपर तामाकोशी हाइड्रोपावर, नेपाल सेवा लघुवित्त लगायतको भाउ सर्किट लाग्ने गरी बढेको छ । नेपाल पुनर्बीमा, नेपाल लाइफ र नेपाल टेलिकमको सबैभन्दा बढी रकमको कारोबार भएको छ ।
पुनर्बीमा कमपनीको १ अर्ब ११ करोड रुपैयाँ भन्दा बढीको सेयर खरिदबिक्री भएको छ भने नेपाल टेलिकमको ४२ करोड १८ लाख रुपैयाँ भन्दा बढीको सेयर कारोबार भएको हो । नेपाल लाइफ इन्सुरेन्सको ३० करोड रुपैयाँ भन्दा बढीको सेयर कारोबार भएको छ । यस दिन विशाल बजार कम्पनीका लगानीकर्ताले सबैभन्दा धेरै गुमाएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
चीनको नयाँ नक्सा सार्वजनिक , हरायो नेपालको ‘चुच्चे’ नक्सा
२०८० भाद्र १३ गते बुधवार
बैतडीको पाटन सिल, देहिमाडौँ बन्द
२०७७ कार्तिक ८ गते शनिवार
कञ्चपुरबाट २ लाख ४४ हजारसहित १९ जुवाडे पक्राउ
२०७७ असोज ९ गते शुक्रवार
अवैध मदिरा उत्पादन गर्ने दुईवटा रक्सी भट्टी नष्ट
२०७७ साउन ७ गते बुधवार