'
२० मंसिर, काठमाडौं । सञ्चार तथा सूूचना प्रविधिमन्त्री पार्वत गुरुङले पर्यटन क्षेत्रलाई मुुलुुकको आकर्षक गन्तव्य बनाउने गरी प्रविधिको विकास गरिने प्रतिबद्धता व्यक्त गरेका छन् । सरकारका प्रवक्तासमेत रहनुभएका मन्त्री गुरुङले नेपाललाई स्मार्ट पर्यटकीय गन्तव्यका रुपमा विकास गरिने बताए ।
पाकिस्तानस्थित विश्वको दोस्रो सर्वोच्च शिखर माउन्ट केटू हिमाल आरोहण गर्न लागेका दोलखा बेदिङका आरोही मिङ्माग्याल्जेन शेर्पा, दावाग्याल्जेन शेर्पा र किलीपेम्वा शेर्पालाई नेपालको राष्ट्रि«य झण्डाका साथ बिदाइ गर्न आज आयोजित कार्यक्रममा उनले विश्वको सर्वोच्च शिखर सगरमाथालगायत आरोहण गरेर हिमाल आरोहीले नेपाललाई विश्वमाझ चिनाउन महत्वपूर्ण भूमिका निर्वाह गरिरहेको स्मरण गरे ।
मन्त्री गुरुङले सङ्घ, प्रदेश र स्थानीय सरकारबीचको सहकार्यबाटै मुलुुकलाई सूचना प्रविधिमैत्री बनाउन सकिने स्पष्ट पार्नुभयो । उनले दोलखाको रोल्वालिङ हिमाल आरोहणका क्षेत्रमा नयाँनयाँ कीर्तिमान कायम राख्नेको जन्मथलो भएकाले सो ठाउँलाई स्मार्ट पर्यटकीय गन्तव्य बनाउन आफूले सक्दो पहल गर्ने बताए ।मन्त्री गुरुङले माउन्ट केटू हिमाल आरोहणमा जान लाग्नुभएका आरोहीलाई सफलताको शुुभकामना व्यक्त गरे । मिङ्मा, दावा र किलीले सगरमाथाको पटकपटक आरोहण गरिसक्नुभएको छ ।
मन्त्री गुरुङले माउन्ट केटूू हिमाल आरोहणमा पनि सफलता प्राप्त गर्ने विश्वास व्यक्त गर्दै त्यसमा कुनै समस्या आए आफूलाई जानकारी गराउन आरोहण दलका सदस्यलाई आग्रह गरे । बिदाइ समारोहमा सञ्चार मन्त्रालयका सचिव हरिप्रसाद बस्याल, वाग्मती प्रदेशका प्रदेशसभा सदस्य सरस्वती बस्नेत, गौरीशङ्कर गाउँपालिकाका अध्यक्ष सोयमबहादुर खड्कालगायत सहभागी थिए ।
सो अवसरमा आरोहण दलका सदस्यलाई मन्त्री गुरुङले आफ्नो एक महिनाको पारिश्रमिक बराबरको आर्थिक सहायता प्रदान गर्नुभयो भने गौरीशङ्कर गाउँपालिकाले रु दुई लाख सहायता उपलब्ध गराएको थियो । दोलखाको गौरीशङ्कर गाउँपालिकास्थित बेदिङगाउँमा मात्रै ६५ जनाभन्दा बढीले सगरमाथाको सफल आरोहण गरिसकेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नबिल बैंकलाई एडीबीको ‘नेपालमा अग्रणी पार्टनर बैंक’ अवार्ड
२०७७ कार्तिक १२ गते बुधवार
वाग्मती प्रदेशमा छ वटा विधेयक प्रमाणीकरण
२०७७ माघ ८ गते बिहिवार
कुमारी इक्विटी फण्डः दोस्रो दिनमा ५३ प्रतिशत इकाई बिक्री
२०७७ फाल्गुन १७ गते सोमवार
तस्वीर: धम्बोझी क्षेत्रका थारुहरुको घरमा सजाएर राखिएको धानका बालाहरु
२०७७ कार्तिक ९ गते आइतवार