'
२१ मंसिर, काठमाडौं । बहुआयामिक सुविधा सहित सञ्चालनमा आएको राइड सेयरिङ एप्लिकेसन एटेण्ड एपले आफूसँग आबद्ध सबै सवारी चालकहरुको निःशुल्क कोभिड १९ परीक्षण गराउने भएको छ ।
दुई पांग्रे सवारी एवं चार पांग्रे सवारीमा कार, जिप, एम्बुलेन्स, शववाहन, ट्याक्सी जस्ता विविध साधनलाई आफ्नो सेवाको सूचीमा राखेर गत मंगलबारबाट सुरु भएको एटेण्ड एपले आफूसँग आबद्ध हुने सबै चालकको कोभिड परीक्षण गराएर मात्रै सेवामा आबद्ध गराउने भएको हो । यो नीति अनुसार विध ल्याबको सहकार्यमा एपले आइतबारदेखि नै चालकहरुको परीक्षण र एपमा दर्ता गराउन सुरु गर्ने तयारी गरिएको एटेण्ड एपका निर्देशक भीमकान्त भण्डारीले जानकारी दिए ।
पछि पनि चालकहरुको समय समयमा यसैगरी निःशुल्क परीक्षण गराइरहने योजना रहेको भण्डारीले बताए । सो एपमा जोडिन चाहने राइडरहरुले आइतबारदेखि बिध ल्याबमा सवारी साधनसहित गएर आफ्नो कोभिड परीक्षण गराउन सक्नेछन् । एटेण्ड एप प्रयोगकर्ताले प्ले स्टोर वा एप स्टोर म गएर एटेण्ड डाईभर डाउलोड गर्नूपर्नेछ ।
सोही ल्याबको प्राङ्गणमा एटेण्ड एपका आधिकारिक व्यक्तिहरुलाई समेत नयाँ सदस्यताको लागि राख्ने र उनीहरुले नै कोभिड परीक्षण भएपछि एटेण्ड एपमा समेत रजिस्ट्रर गर्ने व्यवस्था मिलाइएको भण्डारी बताउँछन् । यसरी गरिएको परीक्षणमा नेगेटिभ रिपोर्ट आएकाहरुलाई स्वस्थ्य सर्टिफिकेट जारी गरेपश्चात मात्र राइडरले सोही दिनदेखि र पोजिटिभ रिपोर्ट आएका चालकको १४ दिनपछि फेरि परीक्षण गरेर मात्रै एटेण्ड एपमा जोड्ने तयारी रहेको भण्डारी बताउँछन् ।
एटेण्ड एपले जाडो महिनामा कोरोना परीक्षणको जोखिम बढी हुने भएकोले आफ्नो सञ्जाललाई विश्वास गरेर यात्रा गर्ने यात्रु र चालक दुवैको स्वास्थ्यलाई मध्यनजर गर्दै यस्तो योजना ल्याइएको एप व्यवस्थापन पक्षको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेपालीले एक सय रुपैयाँ कमाउँदा ९१ रुपैयाँ खर्च
२०७७ चैत्र १ गते आइतवार
सत्यमोहन जोशी सम्मानित
२०७७ चैत्र ७ गते शनिवार
तीन महत्त्वपूर्ण परियोजना निर्माणका लागि विस्तृत आयोजना प्रतिवेदन पेस
२०७७ पुष १ गते बुधवार
काठमाडौं उपत्यकामा फेरि कोरोना संक्रमण बढ्दो
२०७८ साउन ७ गते बिहिवार