'
२१ मंसिर, काठमाडौं । लोकप्रिय बंगाली अभिनेता मनु मुखर्जीको ९० वर्षको उमेरमा कार्डियक अरेस्टका कारण निधन भएको छ । आइतबार दक्षिण कोलकातास्थित आफ्नो निवासमा उनको निधन भएको हो ।
उनको परिवारले यस घटनाको जानकारी दिएको हो । पारिवारिक स्रोतकाअनुसार पछिल्ला केही हप्तादेखि उनी बिरामी थिए, १५ नोभेम्बरमा बंगाली अभिनेता सौमित्र चटर्जीको निधन भएपछि उनी निकै शोकमा थिए ।
बंगालकी मुख्यमन्त्री ममता बेनर्जीले मनुुको निधनमा शोक व्यक्त गरेकी छिन् । ‘फिल्म अभिनेता मनुु मुुखर्जीको निधनले गहिरो आघात पुुगेको छ । हामीले उनलाई टेली–सम्मान पुरस्कार २०१५ मा लाइफटाइम एचिभमेन्ट अवार्डले सम्मानित गरेका थियौं । उनको परिवार, साथीभाई र प्रशंसकप्रति मेरो समवेदना छ ।’
मनुु मुखर्जीको जन्म १ मार्च १९३० मा भएको थियो । मृत्युुअघिसम्म पनि उनी नाटक, टेलिभिजन र सिनेमामा सक्रिय थिए । मनुुले सत्यजीत रे र मृणाल सेनजस्ता प्रख्यात फिल्म मेकर्सहरुसँग काम गरिसकेका छन् । सत्यजीत रे निर्देशित जय बाबा फेलुनाथ तथा गणशत्रु फिल्ममा गरेको अभिनयका कारण उनी चर्चित छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सिन्धुपाल्चोक केन्द्रबिन्दु भएर ६ रिक्टरस्केलको भूकम्प
२०७७ भाद्र ३१ गते बुधवार
अबको चुनावमा मौन अवधि नहुने
२०८० कार्तिक १५ गते बुधवार
पछिल्लो २४ घण्टामा कोरोना संक्रमणबाट थप १५ जनाको मृत्यु
२०७७ कार्तिक २७ गते बिहिवार
प्रदेश-२ का प्रमुख राजेश झा अहिराजले गरे ३२ औं पटक रक्तदान
२०७७ चैत्र २४ गते मङ्गलवार