समाचार

फुडमाण्डुको सर्भर ह्याक गर्ने युवक पक्राउ

arrested

२४ मंसिर, काठमाडौं । अनलाइनमार्फत खानेकुराहरुको डेलिभरी गर्ने प्लेटफर्म ‘फुडमाण्डु’ को  सर्भर ह्याक गर्ने युवकलाई नेपाल प्रहरीको साइबर ब्यूरोले पक्राउ गरेको छ ।

फुडमाण्डुको सर्भर ह्याक गरेको आरोपमा काठमाडौंबाट १९ वर्षीय दिनेश तिवारी पक्राउ गरिएको हो । साइबर ब्युरोका एसएसपी नवीन अर्यालका अनुसार फुडमाण्डुले दिएको उजुरीपछि अदालतबाट अनुमति दिएर हिजो बेलुका काठमाडौंबाट पक्राउ गरिएको हो ।

फुडमाण्डुले आफ्नो सर्भर ह्याक गरी त्यहाँभित्रका व्यक्तिगत विवरण चोरेको भन्दै अनुसन्धानका लागि साइबर ब्युरोमा उजुरी दिएको थियो । पक्राउ परेका तिवारीमाथि अनुसन्धान भइरहेको एसएसपी अर्यालले जानकारी दिए ।

यसअघि २२ मंसिरमा ब्यूरोले लोकसेवाको सर्भर ह्याक गरेर ९ हजार एसएमएस पठाउने ३ जना पक्राउ गरेर सार्वजनिक गरेको छ । ब्यूरोबाट खटिएको टोलीले पोखराबाट २ जना र ललितपुरबाट १ जनालाई पक्राउ गरेको हो ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *