'
२६ मंसिर, काठमाडौं । अखिल नेपाल फुटबल संघ (एन्फा) ले पुरुष तथा महिला राष्ट्रिय फुटबल टोलीका खेलाडीलाई समान तलब दिने निर्णय गरेको छ । बिहिवार बसेको एन्फा कार्यसमिति बैठकले पुरुष र महिला राष्ट्रिय टोलीका सदस्यहरुलाई समान १८ हजार रुपैयाँ मासिक तलब दिने निर्णय गरेको हो ।
यसअघि पुरुष राष्ट्रिय टोलीका खेलाडीहरुलाई १५ हजार र महिला राष्ट्रिय टोलीका खेलाडीहरुलाई ७ हजार तलब दिइदैं आइएको थियो ।
यसअघि महिला र पुरुष खेलाडीहरुको तलब समान हुनुुपर्ने आवाज विश्वव्यापी रुपमा उठेसँगै एन्फाका केही पदाधिकारीहरुले पनि समान रुपमा तलब वितरण हुनुपर्ने माग गरेका थिए ।
एन्फा बैठकले मुख्य प्रशिक्षक योहान कालिनको राजिनामा स्विकृत गर्ने, पूर्व एन्फा उपाध्यक्ष स्वर्गीय ललितकृष्ण श्रेष्ठ र नेपाली राष्ट्रिय टोलीका पूर्वकप्तान मणि शाहको अर्धकदको शालिक एन्फा परिसरमा निर्माण गर्ने निर्णय समेत गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौं उपत्यकामा थपिए ९ सय ६४ कोरोना संक्रमित
२०७८ साउन २७ गते बुधवार
काँग्रेस क्रियाशील सदस्यताको प्रतिवेदन आज बुझाइँदै
२०७८ भाद्र ७ गते सोमवार
भन्सार छली ल्याइएको गाडी र ६ लाखको कपडा बरामद
२०७७ पुष २१ गते मङ्गलवार
काठमाडौं उपत्यकामा थप १६९८ जनामा कोरोना संक्रमण पुष्टि
२०७७ कार्तिक २ गते आइतवार