'
२९ मंसिर, काठमाडौं । काठमाडौं उपत्यकासहित देशभर अत्याधिक चिसो बढेको छ । आज बिहानज काठमाडौं उपत्यकाको न्यूनतम तापक्रम चार डिग्री सेल्सियस मापन गरिएको छ ।
जल तथा मौसम विज्ञान विभाग, मौसम पूर्वानुमान महाशाखाका महाशाखाका मौसमविद् निराजन सापकोटाका अनुसार आज बिहान मापन गरिएको तापक्रम यस वर्षकै सबैभन्दा कम तापक्रम हो । उपत्यकाको न्युनतम तापक्रम यसअघि गत मंसिर १४ गते ४ दशमलब ३ डिग्री सेल्सियस मापन भएको थियो ।
उपत्यकाको आइतबारको न्यूनतम तापक्रम ४ दशमलब ५ डिग्री सेल्सियस मापन भएको थियो । मौसम सफा भएका कारण आकाश खुल्दा तापक्रम घट्ने मौसमविद् सापकोटाले बताए । अबको केही दिन तापक्रम घट्ने क्रममै रहेकाले अझै चिसो बढ्ने विभागको अनुमान छ ।
सोमबार बिहान प्रदेश १ को मौसम आंशिकदेखि सामान्य बदली र अन्य प्रदेशको मौसम सामान्यतः सफा रहेको छ । दिउँसो प्रदेश १ का उच्च पहाडी तथा हिमाली भेगमा हिमपात र हल्का बर्षा हुने सम्भावना रहेको मौसमविद् सापकोटाले बताए । यीबाहेक आज देशभरको मौसम सफा रहने महाशाखाले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
आवश्यकता भएकालाई स्थानीयस्तरमै खाद्यान्न पुर्याइने
२०७८ जेष्ठ १४ गते शुक्रवार
प्रदेश नं १ मा एक हजार ७१ मा कोरोना संक्रमण
२०७८ साउन २६ गते मङ्गलवार
सुरेन्द्र पाण्डेमाथि अभद्र व्यवहार गर्नेलाई कडा कारवाही गर्न माधव नेपालको माग
२०७७ मङ्सिर ६ गते शनिवार
बर्दियाकाे दुई स्थानमा बिओपी स्थापना
२०७७ कार्तिक ८ गते शनिवार