'
३० मंसिर, काठमाडौं । कोरोना संक्रमण रोकथाम, नियन्त्रण तथा उपचार कोषबाट चालु आर्थिक वर्षको पहिलो ५ महिनामा साढे १ अर्ब रुपैयाँ खर्च भएको छ । महालेखा नियन्त्रण कार्यालयको तथ्यांक अनुसार चालु आर्थिक वर्ष २०७७/७८ को मंसिर १५ सम्म कोरोना संक्रमण रोकथाम, नियन्त्रण तथा उपचार कोषबाट १ अर्ब ४० करोड ३७ लाख रुपैयाँ खर्च भएको छ ।
यो वर्ष कोषमा आम्दानी भने न्यून छ । ५ महिनामा कोषका लागि ४३ करोड २३ लाख ४८ हजार रुपैयाँ आम्दानी भएको छ । कोषमा आर्थिक वर्ष २०७६/७७ बाट १ अर्ब ३५ करोड ५९ लाख रुपैयाँ चालु आर्थिक वर्षका लागि आएको थियो । यो वर्ष कोषबाट १ अर्ब ४० करोड रुपैयाँ खर्च भएसँगै अब भने कोषमा मात्र ३८ करोड ४४ लाख ७८ हजार रुपैयाँ बाँकी रहेको महालेखाको तथ्यांकमा उल्लेख छ ।
सरकारको मन्त्रिपरिषदको गत चैत ९ गतेको निर्णय बमोजिम यो कोष सञ्चालनमा आएको थियो । यस कोषमा जम्मा भएको रकम कोरोना रोकथाम तथा उपचारमा खर्च गर्ने, उपचार सामाग्रीको आपुर्ति तथा पूर्वाधार निर्माणमा र सो कार्यका लागि जनशक्ति परिचालनमा खर्च गर्ने भनिएको थियो । तर कतिपयले कोरोना कोषको रकम प्रयोगमै प्रश्न समेत उठाएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मोटरसाइकल दुर्घटनामा आमाको मृत्यु, छोरा घाइते
२०७८ जेष्ठ २६ गते बुधवार
आज पनि बढ्यो सुनको मूल्य, तोलाको कति पुग्यो ?
२०७७ कार्तिक २४ गते सोमवार
यस वर्ष मौसम ढिला बाहिरिने, भारी वर्षा भने नहुने
२०७८ असोज १२ गते मङ्गलवार
एनसेलले ल्यायो चाडपर्व लक्षित ‘कुरै कुरामा उपहार’ योजना
२०७७ असोज १८ गते आइतवार