'
१ पुस, काठमाडौं । कोरोना महामारीका कारण लगाइएको बन्दाबन्दी र जोखिमका कारण ९ महिनासम्म बन्द रहेको पशुपतिनाथ मन्दिर (आज) बुधबारदेखि खुलेको छ । मङ्गलबार राष्ट्रपति विद्यादेवी भण्डारीले मन्दिर परिसरमा क्षमासहित विशेष पूजा गरेपछि आजबाट मन्दिर खुलेको हो ।
मंगलबार पशुपति मूल मन्दिर परिसरका वासुकीनाथ, जलनारायण, लालगणेश, सूर्यनारायण, कीर्तिमुख भैरव, उन्मत्त भैरव, अष्टमातृका, नवग्रह, हनुमान, सत्यनारायणको समेत पूजाआराधना गरिएको थियो ।
पशुपतिनाथ मन्दिर स्वास्थ्य सुरक्षाका विधि अपनाएर आजबाट खुलेको पशुपति क्षेत्र विकास कोषले जनाएको छ । आजदेखि मन्दिरको पश्चिम ढोकाबाट भक्तजनलाई प्रवेश गराई दर्शनपश्चात् पश्चिम ढोकाबाट नै बाहिर निस्कने व्यवस्था गरिएको छ ।
मन्दिर प्रवेश गर्ने भक्तजनले अनिवार्यरुपमा मास्क लगाउनुपर्ने छ । स्वास्थ्य तथा जनसङ्ख्या मन्त्रालयले बनाएको मापदण्ड पूर्णरुपमा पालना गरी भक्तजनलाई दुई मिटरको दूरीमा राखेर दर्शन गराइनेछ ।
पहिलो चरणमा परीक्षणका रुपमा बिहान ६ देखि मध्याह्न १२ बजेसम्म मन्दिर खुला गरिनेछ । लामो समयपछि मन्दिर खोलिएको र कोरोनाको त्रास कायमै रहेकाले पशुपति क्षेत्रमा विशेष सुरक्षा सतर्कता अपनाउन लागिएको पनि कोषले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एमाले स्थायी कमिटी बैठक आज पनि स्थगित
२०७८ जेष्ठ १७ गते सोमवार
सन्दीपले दुई विकेट लिएको खेलमा होबार्ट पराजित
२०७७ माघ १० गते शनिवार
प्राकृतिक ग्यास ल्याउन पाइपलाइन बिछ्याउने तयारी सुरु
२०७७ माघ १० गते शनिवार
घोराही र तुलसीपुरलाई गाभेर महानगरपालिका बनाउने गृहकार्य गर्दैछौं : मुख्यमन्त्री पोखरेल
२०७७ फाल्गुन ६ गते बिहिवार