'
१ पुस, काठमाडौं । महानगरीय ट्राफिक प्रहरी महाशाखाले हराएका २२ मोटरसाइकल फेला पारी सम्बन्धित धनीलाई हस्तान्तरण गरेको छ। महाशाखाका प्रमुख प्रहरी वरिष्ठ उपरीक्षक जनक भट्टराईले आज महाशाखामा एक समारोहका बीच मोटरसाइकल हस्तान्तरण गरे ।
विभिन्न मितिमा मोटरसाइकल चोरीमा संलग्न ११ व्यक्तिलाई पक्राउ गरी थप अनुसन्धान तथा आवश्यक कारवाहीका लागि प्रहरी कार्यालयमा बुझाएको समेत उनले जानकारी दिए ।
“असुरक्षित पार्किङस्थल, एकान्तस्थलमा पार्किङ गरेका र अतिरिक्त लक प्रयोग नगरेर, जुनसुकै साँचोले खोल्ने अवस्था भएका मोटरसाइकल बढी चोरी भएको पाइएको छ”, महाशाखाका प्रमुख भट्टराईले भने, “धनीले सावधानी अपनाउने हो भने चोरीबाट जोगिन सकिन्छ ।” उनले अतिरिक्त लक प्रयोग गर्न, घण्टी बज्नेलगायतका उपकरण जडान गर्न, घर कम्पाउण्डमा पार्किङ गरेको भनी ढुक्क नपर्न पनि महाशाखाले सबैमा अनुरोध गरेको छ ।
आजै प्रलोभनमा नपरी घुस दिन खोज्ने सवारी चालकलाई पक्राउ गर्ने प्रहरीलाई आज पुरस्कृत गरिएको छ । महाशाखा तथा मातहतमा कार्यरत २२ प्रहरी कर्मचारीलाई नगद पुरस्कारसहित प्रशंसापत्र प्रदान गरिएको महाशाखाले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ढोरपाटनका बाढीपहिरो पीडितलाई सरकारको ६१ लाख राहत
२०७७ असोज २१ गते बुधवार
मन्दिरको सुन चोरी गरेको आरोपमा ७ जना पक्राउ
२०७८ साउन १२ गते मङ्गलवार
चिसिँदै सरकार–संसद् सम्बन्ध
२०७७ चैत्र ८ गते आइतवार
प्रहरीलाई ५ सय रुपैयाँ घुस दिन खोज्ने पक्राउ
२०७८ असार १९ गते शनिवार