'
१ पुस, काठमाडौं । सत्तारुढ नेपाल कम्युनिस्ट पार्टी (नेकपा) कार्यकारी अध्यक्ष पुष्पकमल दाहाल ‘प्रचण्ड’को निजी सचिवालयले अध्यक्षद्वयबीच आदानप्रदान भएका पत्र र राजनीतिक प्रस्ताव फिर्ता लिने सहमति भयो भनेर हल्ला मात्र फैलिएको बताएको छ ।
प्रचण्डका प्रेस संयोजक विष्णु सापकोटा ‘जुगल’ले यसअघि बैठकमा पेश भएका प्रस्तावहरु पार्टीको स्थायी समिति र केन्द्रीय समितिका बैठकहरुमा छलफल गर्ने भन्दै प्रस्ताव फिर्ताको हल्ला निराधार र कपोलकल्पित भएको जानकारी गराएका हुन् ।
यसअघि ओली र प्रचण्डबीच चार बुँदे सहमति भएको र त्यसमा राजनीतिक प्रस्ताव फिर्ता पनि भएको भनेर ओली निकटका नेताहरुले सञ्चारमाध्यमलाई बताएका थिए । तर प्रचण्डको सचिवालयले त्यसबारे स्पस्ट पार्दै प्रस्ताव फिर्ता गर्ने भन्ने समाचारको भ्रममा नपर्न अपिल गरेको छ ।
‘सरकारले जारी गरेको संवैधानिक परिषद् सम्बन्धी अध्यादेश फिर्ता लिने साथै राष्ट्रपति समक्ष संसदको अधिवेशनको माग गर्दै पेश गरिएको आवेदन पनि फिर्ता गर्ने सर्वसम्मत निर्णय भएको छ’ सापकोटाले बुधबारको निर्णय जानकारी गराउँदै भनेका छन्, ‘संवैधानिक नियुक्तिहरु सहमतिमा मात्र टुङ्ग्याउने निर्णय भएको छ ।’
त्यस्तै सापकोटाले पार्टी स्थायी समितिको बैठक यही पुष ५ गते र पार्टी केन्द्रीय समितिको बैठक पुष १० गते बस्ने निर्णय भएको भन्दै ‘बैठकमा पेश भएका प्रस्तावहरु पार्टीको स्थायी समिति र केन्द्रीय समितिका बैठकहरुमा छलफल गर्ने । राजनीतिक प्रस्ताव फिर्ताको हल्ला निराधार र कपोलकल्पित भएको जानकारी गराउँदछु’ भनेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
प्रधानसेनापति ट्रफी खेलकूद सम्पन्न, को-को भए विजेता ?
२०७७ माघ ३ गते शनिवार
प्रणय दिवसमा भरिभराउ सौराहा
२०७७ फाल्गुन २ गते आइतवार
म भ्रष्टाचार गर्दिन, गर्न पनि दिन्न : प्रधानमन्त्री ओली
२०७७ मङ्सिर २४ गते बुधवार
एसिडको घाउमा मायाको मलम
२०७७ असोज २४ गते शनिवार