'
२ पुस, काठमाडौं । आप्रवासी कामदार महासन्धि पारित भए नेपाली महिला कामदारहरुले राहत पाउने सरोकारवालाहरुले बताएका छन् । आप्रवासी कामदारको अधिकार दिवसका अवसरमा आयोजित कार्यक्रममा सरोकारवालाहरुले आप्रवासी महिला कामदारहरुको हक-हित संरक्षण गर्न महासन्धिले ठूलो सहयोग गर्ने बताएका हुन् ।
महिला कानुन र विकास मञ्चका कार्यकारी निर्देशक सविन श्रेष्ठले महासन्धि अनुमोदन भए सबै आप्रवासी कामदार र तिनीहरुका परिवारका सदस्यहरुको अधिकार संरक्षणमा सहयोग पुग्ने बताए । महासन्धिले कामदार उत्पत्तिको देश र रोजगारीका लागि जाने देशको दायित्व र के गर्ने भन्ने कुरा बोलेकाले अनुमोदनको आवश्यकता रहेको उनले बताए ।
आप्रवासी महिला कामदार समूहका अध्यक्ष विजया राई श्रेष्ठले नेपाली महिला कामदारमाथि समय समयमा हुने प्रतिबन्धले समस्या हुने गरेको बताइन् । प्रतिबन्धका कारण महिला कामदारहरुले धेरै दुःख पाउने गरेको उल्लेख गर्दै उनले महासन्धि अनुमोदन भए पनि महिला कामदारहरुले राहत पाउने बताइन् ।
महासन्धिमा कुनै पनि राष्ट्र छोड्न पाउने र उत्पत्तिको राष्ट्रमा कुनै पनि समयमा प्रवेश गर्न र रहन पाउने अधिकारको संरक्षण गरिएको छ । यस्तै कामदारको बाँच्न पाउने अधिकार, यातना, क्रूर, अमानवीय वा अपमानजनक व्यवहार वा सजायविरुद्धको अधिकार र दासताविरुद्ध संरक्षणको अधिकार पनि संरक्षण गरिएको छ । कठोर श्रमसहित काराबासको सजाय पाएको अवस्थाबाहेक अन्य अवस्थामा अनिवार्य श्रमविरुद्ध संरक्षणको अधिकार, मान्यता, विवेक र धर्मको स्वतन्त्रतासम्बन्धी अधिकार तथा विचार र अभिव्यक्तिको स्वतन्त्रतासम्बन्धी अधिकार पनि समेटिएको छ ।
यस्तै गोपनीयता, पत्राचार र सञ्चारमाथिको स्वेच्छाचारी हस्तक्षेपविरुद्ध संरक्षणको अधिकार राष्ट्रको कन्सुलर वा कूटनीतिक निकायबाट संरक्षण तथा सहयोगको याचना गर्न पाउने अधिकार र रोजगारी राष्ट्रको नागरिकसरह न्यूनतम् रोजगारीको सहुलियत र सुविधा प्राप्त गर्ने अधिकार पनि महासन्धिमा समेटिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हेलिकप्टरमार्फत सुत्केरीको उद्धार
२०७७ भाद्र २९ गते सोमवार
लाइसेन्सको ट्रायल फेल भएकाले अब १८ महिनासम्म ट्रायल दिन मौका पाउने
२०७७ माघ २६ गते सोमवार
आज मेलम्ची खानेपानी आयोजनाको सुरुङ पुनः परीक्षण गरिँदै
२०७७ फाल्गुन १० गते सोमवार
चिनियाँ राजदूत र अध्यक्ष नेपालबीच भेटवार्ता
२०७७ पुष १० गते शुक्रवार