'
३ पुस, काठमाडौं । कोरोना भाइरसबाट सङ्क्रमित बुरुण्डीका पूर्वराष्ट्रपति पिएरे बुयोयाको निधन भएको छ ।
कोरोना भाइरसबाट सङ्क्रमित भएका बुयोयाको ७१ वर्षको उमेरमा निधन भएको हो । फ्रान्सको राजधानी पेरिसमा उपचार भइरहेका बेला उनको निधन भएको अधिकारीहरूले शुक्रबार जानकारी दिएका छन् ।
अफ्रिकी युनियनबाट माली र सहेलका लागि विषेश दूतको जिम्मेवारीमासमेत रहेका बुयोयाले केही हप्ता अगाडि मात्रै त्यस पदबाट राजीनामा दिएका थिए । सानो अफ्रिकी मुलुक बुरुण्डीमा लोकतन्त्र स्थापनाका लागि उनले ठूलो योगदान गर्नुभएको श्रेय दिने गरिन्छ ।
अस्वस्थ भएपछि उनलाई सुरुमा मालीको राजधानी बामाकोमा रहेको अस्पतालमा भर्ना गरिएको थियो। तर त्यहाँ सुधार नभएपछि हिजो मात्रै पेरिस लगिएको अधिकारीहरूले जनाएका छन् । “हिजो राति मात्रै उहाँलाई फ्रान्स ल्याइएको हो,” उनका एक पारिवारिक सदस्यले शुक्रबार एएफपीसँग भने ।
अर्को एक श्रोतले भन्यो, “उपचारका लागि पेरिसतर्फ लैजाँदै गरेका बेला एम्बुलेन्समै बिहीबार राति उहाँको निधन भएको हुनसक्छ ।” उनले सन् २०१२ देखि गत नोभेम्बरसम्म माली र सहेलका लागि अफ्रिकन युनियनको विषेश प्रतिनिधिका रुपमा सेवा गर्दै आएका थिए । तर सन् १९९३ मा भएको आफ्ना उत्तराधिकारीको हत्या घटनामा संलग्न भएको आरोपसहित आजीवन काराबासको फैसला भएपछि उनले राजीनामा दिएका हुन् ।
तर उनले भने त्यस फैसलालाई राजनीतिक पूर्वाग्रहका आधारमा आएको फैसलाको संज्ञा दिदै आएका थिए । आफूले नैतिकताका आधारमा विषेश प्रतिनिधिको जिम्मेवारीबाट राजीनामा दिएको पनि उनले उल्लेख गरेका थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सिरहाको मिर्चैयामा आजदेखि १० दिन लकडाउन
२०७७ साउन २२ गते बिहिवार
कर्णालीमा १३ वर्षमुनिका खेलाडी छनोट गर्दै एन्फा
२०७७ फाल्गुन १३ गते बिहिवार
एकैदिन १ हजार ६ सयले बढ्यो सुनको मूल्य, कति छ आज ?
२०७७ मङ्सिर १८ गते बिहिवार
पुस एक गतेदेखि कोरियन भाषा परीक्षा हुने
२०७८ कार्तिक २८ गते आइतवार