'
४ पुस, काठमाडौं । अफगानिस्तानको पूर्वी प्रान्त गजनीमा बम बिस्फोटका कारण १५ बालबालिकाको मृत्यु भएको छ भने २० जना घाइते भएका छन् । गिलान जिल्लामा भएको यस बिस्फोट कारण अझै स्पष्ट हुन नसकेको प्रहरी अधिकारीहरुले जनाएका छन् ।
प्रहरी प्रवक्ता अहमद खानले यस आक्रमणको आरोप तालिवानमाथि लगाएका छन् । स्थानीयका अनुसार बालबालिकाहरुले फुटपाथ व्यापारीलाई एउटा सामग्रीको टुक्रा बेच्न खोज्दा त्यो बिस्फोट भएको थियो ।
तालिवानी मिलिसियाहरुले यस बिस्फोट दुर्घटनावस् भएको दाबी गरेका छन् । दिउँसो १ बजेको समयमा गाउँको एउटा घर नजिक यो बिस्फोट भएको अधिकारीहरुले जनाएका छन्, त्यस घरमा त्यतिबेला कुरान वाचन भइरहेको थियो ।
एशोसियट प्रेससँगको कुराकानीमा गजनीका प्रान्तीय गर्भनरका प्रवक्ता वाहीदुल्लाह जुमाजादाले बताए अनुसार मोटररिक्सा चलाइरहेका एक व्यक्ति गाउँमा प्रवेश गरेसँगै उनको वरपर बच्चाहरु झुम्मिएका थिए, त्यही समय बिस्फोट भयो । मृतकको संख्या अझै बढ्न सक्ने उनले जनाएका छन् । सरकार र तालिवानबीच वार्ता सुरु भइसकेपनि अफगास्तिानमा हिंसा कम भएको छैन ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लमजुङमा बन्दै छ १०८ फिट अग्लो महादेवको मूर्ति
२०८० फाल्गुन ४ गते शुक्रवार
राष्ट्रिय परिचयपत्रका लागि तथ्याङ्क सङ्कलन शुरु
२०७७ पुष २२ गते बुधवार
आज विश्व टेलिभिजन दिवस मनाइँदै, अनलाइन टिभीलाई व्यवस्थित बनाउन आग्रह
२०७७ मङ्सिर ६ गते शनिवार
भूमिहीन सुकुम्वासी संगठनद्वारा आन्दोलनका कार्यक्रम घोषणा
२०७८ साउन २१ गते बिहिवार