विश्व/प्रवास

समुदाय स्तरमा संक्रमण देखिएपछि भुटानमा पुनः लकडाउन

bhutan coronavirus

८ पुस, काठमाडौं । कोरोना भाइरसको संक्रमण देखिएपछि भुटानमा पुनः लकडाउन गरिएको छ । भूटानका प्रधानमन्त्री लोते छिरिङले बुधबारदेखि लागुु हुनेगरी ७ दिनका लागि लकडाउन घोषणा गरेका हुन् । यसक्रममा एक राज्यबाट अर्को राज्यमा आवागमन पूर्णत बन्द रहनेछ । त्यस्तै, कोभिड १९ टास्कफोर्सले समय–समयमा नयाँ गाइडलाईन जारी गर्नेछ ।

प्रधानमन्त्री छिरिङले स्थानीय स्तरमा संक्रमण फैलिएका कारण लकडाउन गर्न बाध्य भएको बताएका छन् । केही दिन पहिले थिम्पूमा ५, पारोमा ३ र लामोझिङग्खामा एकजनामा संक्रमण देखिएको थियो । प्रधानमन्त्री छिरिङले यो अवस्था निकै चिन्ताजनक रहेको बताएका छन् । भुटानमा अहिलेसम्म कुुल ४ सय ७९ जनामा कोरोना संक्रमण देखिएको छ ।

यसमध्ये ४ सय ३० जना निको भइसकेका छन् । अहिलेसम्म भूूटानमा कोरोनाका कारण कसैले पनि ज्यान गुमाएको छैन । अर्थात्, आफ्ना देशवासीलाई कोरोनाबाट बचाउन भुटान सफल छ । २०१८ को गणनाअनुसार भुटानको कुल जनसंख्या ७ लाख ५४ हजार छ ।

बेलायतमा कोरोना भाइरसको नयाँ स्ट्रेन देखिएसँगै विश्वमा फेरि त्रास बढेको छ । बेलायतले लकडाउन घोषणा गरिसकेको छ भने विश्वका धेरै देशले बेलायतमाथि भ्रमण प्रतिबन्ध लगाएका छन् । नयाँ वर्ष र क्रिसमसका लागि धेरै देशले फरक–फरक निर्देशिका जारी गरिसकेका छन् ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *