'
८ पुस, बुटवल । प्रतिनिधिसभा विघटन विरुद्ध जनता समाजवादी पार्टी नेपाल (जसपा) ले आज विभिन्न ठाउँमा प्रर्दशन गरेको छ । यस्तै रुपन्देहीको भैरहवामा ¥याली तथा विरोध प्रदर्शन गरेको छ । भैरहवामा सिद्धार्थनगर–४ उद्योगपुरीस्थित जिल्ला पार्टी कार्यालयबाट सुरु भएको विरोध प्रदर्शन गल्लामण्डी, मिलनचोक, नारायणपथ हुँदै बुद्धचोकमा पुगेर सभामा परिणत भएको थियो ।
सभालाई सम्बोधन गर्दै जसपाका केन्द्रीय सदस्य तथा पूर्व वनमन्त्री मोहम्मद वकिल मुसलमानले संसद विघटन गरेर प्रधानमन्त्री केपी शर्मा ओलीले असंवैधानिक,अलोकतान्त्रिक र प्रतिगामी काम गरेको बताए । पार्टीका अर्का केन्द्रीय सदस्य देवेन्द्र पाण्डेय (सागर)ले प्रधानमन्त्री ओली गणतन्त्र,संघीयता र धर्म निरपेक्षता विरोधी भएकाले आन्दोलनबाट प्राप्त उपलब्धी गुम्न नदिन प्रतिनिधि सभा पुनस्थापनाका लागि आन्दोलनको विकल्प नभएको बताए ।
केन्द्रीय सदस्य किस्मत विक,अतिअुल्लाह मुसलमान,जिल्ला अध्यक्ष रामअवतार यादव,सचिव सोमनाथ शर्मा लगायतले प्रधानमन्त्री ओलीको असंवैधानिक कदमलाई आन्दोलनको बलबाट सच्याउन बाध्य पारिने बताए । यस्तै पाल्पाको तानसेन, दाङ,नेपालगन्ज लगायतका जिल्लामा पनि प्रतिनिधिसभा विघटनको विरुद्धमा प्रदर्शन गरिएको पार्टीका प्रदेश सचिव यज्ञ पोखरेलले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
९ बर्षकी बालिकालाई बलात्कार गरेको आरोपमा एक जना पक्राउ
२०८० कार्तिक १५ गते बुधवार
द्वन्द्व पीडित महिला नेपाली कागज बनाउँदै
२०७७ कार्तिक २२ गते शनिवार
सरकारले तोकेको मूल्य पाउँदैनन् किसान
२०७८ कार्तिक २७ गते शनिवार
अग्निपिडितलाई सहयोग गर्दै मानव सेवा फाउण्डेसन,नेपाल
२०८० मङ्सिर २९ गते शुक्रवार