'
१३ पुस, काठमाडौं । नेपाल कम्युनिष्ट पार्टी (नेकपा) प्रचण्ड–माधव पक्षका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओली श्री ३ महाराजधिराज जंगबहादुरको बाटोमा हिँडेको आरोप लगाएका छन् ।
सोमबार जनसंस्कृतिक महासंघले काठमाडौंमा आयोजना गरेको कार्यक्रमलाई सम्बोधन गर्दै अध्यक्ष प्रचण्डले प्रधानमन्त्री ओली सामन्ती शासक ‘श्री ३ महाराजधिराज जंगबहादुर’को बाटोमा हिँडेको आरोप लगाएका हुन् । उनले भने, ‘केपी ओली सामन्ती शासक श्री ३ महाराजधिराज जंगेको बाटोमा हिँड्नुभयो । त्यस दिनबाट उहाँको पराजय र हाम्रो विजय यात्रा सुरु भयो ।’
संविधानले दिँदै नदिएको अधिकार प्रयोग गरेर संसद विघटन गरेसँगै ओलीले कलंकको टीका लगाएको उनले बताए । त्यसको विरोधमा आफूहरु सडकमा आएको भन्दै प्रचण्डले भने, ‘केपीजीलाई धन्यवाद । तपाईले हामीले जनतामा जाने मुद्दा दिनुभयो । संविधान, संघीयता, गणतन्त्रको पक्षमा लड्ने मुद्धा दिनुभयो । अर्को चुनाव हामी जित्छौं ।’
राजनीतिक रुपमा बाजी जितेपछि भोलिबाट फिल्डमा उत्रिनुपर्ने र केही महिना लाग्ने उनको दाबी छ । उनले ओली सरकार भने विघटित भएको दाबी गरे । ‘अहिले सविधानले दिँदै नदिएको, हुँदै नभएको अधिकार प्रयोग गरिएको छ । मैले भनेको छु सदन मरेको छैन, जिवित छ, विघटन भएको छैन । विघटन भएको केपी ओलीको सरकार हो । उसले जनता र संविधानको मर्म र भावना विरुद्ध गएपछि ऊ विघटित भएको हो । त्यसैले उसले अनाधिकृत रुपमा संसद्को हत्या भएको भनेको छ, हत्या भएको छैन’, उनले भने ।
प्रचण्डले अदालतप्रति आफूलाई भरोसा भएको व्यक्त गरे। ‘संविधानको व्यवस्था अनुसार सदनलाई सुरु गर्ने आदेश आउनेछ भन्ने विश्वास व्यक्त गर्न चाहन्छु’, उनले भने । एकजना व्यक्तिलाई रिस उठ्यो भने संसद विघटन गर्न नसकोस् भनेर नै संविधानमा त्यो अधिकार नदिएको उनले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मेक्सिकोका राष्ट्रपतिलाई पनि कोभिड–१९ संक्रमण
२०७७ माघ १२ गते सोमवार
नेपाली मन नभएकाहरूले एमसीसी सम्झौता गरे : भीम रावल
२०७८ भाद्र २० गते आइतवार
वर्ल्ड लिंकको नयाँ वर्ष अफरः १२ महिनाको इन्टरनेट प्याकेजमा ६२ प्रतिशत छुट
२०७७ चैत्र २७ गते शुक्रवार
गण्डकीका सबै जिल्लामा विपद् उद्धार एकाइ स्थापना हुने
२०७७ माघ १ गते बिहिवार