'
१४ पुस, काठमाडौं । अमेरिकाका लागि नेपाली राजदूत युवराज खतिवडाले लगानी, सहयोग र प्रविधि हस्तान्तरणलाई केन्द्रमा राखेर नेपाल र अमेरिकाबीच सम्बन्ध विकास गर्ने बताएका छन् ।
नेपाल चेम्बर अफ कमर्सका पदाधिकारीहरुसँगको भेटमा मंगलबार पूर्वअर्थमन्त्री समेत रहेका खतिवडाले द्विपक्षीय लगानी, सरकारी सहयोग र प्रविधि हस्तान्तरणको विषयलाई केन्द्रमा राखेर नेपाल-अमेरिकाबीचको सम्बन्ध विकास गर्न काम गर्ने बताए ।
नेपालको कुनै पनि उत्पादनलाई अमेरिका निर्यात गर्ने सम्बन्धमा हाल कायम रहेका केही प्रावधानहरुलाई परिवर्तन गर्नुपर्ने भएकाले त्यसको लागि पहल गर्नसमेत व्यवसायीहरुलाई आग्रह गरे । आफू नेपाल र अमेरिकाबीच राजनीतिक रुपमा सद्भाव बढाउन प्रतिबद्ध रहेको पनि उनको भनाइ छ । तर कुनै पनि देशको बौद्धिक सम्पत्तिको सुरक्षा गर्ने विषयमा नेपाल प्रतिबद्ध भए लगानी भित्र्याउन कुनै कठिनाइ नहुने पनि प्रस्टयाए ।
कार्यक्रममा नेपाल चेम्बर अफ कमर्सका अध्यक्ष राजेशकाजी श्रेष्ठले नेपालमा उत्पादन हुने वस्तुलाई अमेरिका निर्यात गर्ने वातावरण निर्माण गर्न आग्रह गरे । अहिले अमेरिकाले नेपालबाट ७७ किसिमका वस्तुहरु लैजाने भन्ने रहेको तर ती वस्तुहरु नेपालमा उत्पादन नहुने भएकाले निर्यात नबढेको बताए । नेपालको गार्मेन्ट उत्पादनलाई अमेरिकी बजारमा लैजान सके राम्रो हुने भएकाले त्यसमा पहल गर्नसमेत आग्रह गरे ।
कार्यक्रममा व्यवसायीहरुले अमेरिकी लगानीसँगै प्रविधिलाई समेत नेपालमा भित्र्याउन पहल गर्न आग्रह गरेका छन् । नेपालको कृषि उत्पादनलाई गुणस्तरीय बनाई निर्यात बढाउन आवश्यक प्रविधि भित्र्याउने विषयमा ध्यान दिनुपर्नेमा व्यवसायीहरुले जोड दिएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
‘डान्सिङ विथ दि स्टार्स नेपाल’बाट बाहिरिइन् ज्योती मगर
२०७७ मङ्सिर २१ गते आइतवार
जारको पानीले बिरामी परेको भन्दै उजुरी
२०८० कार्तिक १४ गते मङ्गलवार
कस्तो रहने छ आजको मौसम ?
२०८० मङ्सिर १२ गते मङ्गलवार
दाङमा मोटरसाइकल दुर्घटना हुँदा एकको मृत्यु, एक जना घाइते
२०७७ असोज २० गते मङ्गलवार