'
१७ पुस, काठमाडौं । विश्व रेकर्ड राखेको टेलजीको स्कुटर नेपाली बजारमा भित्रिएको छ । टेल्जी स्कुटरको नेपालका लागि एकमात्र आधिकारिक वितरक योम मा ई मोटर्स प्रालीले अंग्रेजी नयाँ वर्ष २०२१ को अवसरमा लियोपार्ड इलेक्ट्रीक स्कुटर बजारमा ल्याएको हो ।
नेपाल भित्र्याएको यो गिनिज बुक अफ वर्ल्ड रेकर्डमा नाम दर्ता गर्न सफल स्कुटर हो । यो इलेक्ट्रिक स्कुटरले एकपटकको फुल चार्जमा ६५६.८ किलोमिटर यात्रा गरेर उक्त रेकर्ड राख्न सफल भएको थियो ।
लियोपार्डमा २.५ किलोवाट पावरको मोटर दिइएको छ । यसमा ३.२ किलोवाट आवरको ब्याट्रीप्याक दिइएको छ । नेपालमा उपलब्ध गराइएको टेलजी लियोपार्ड एकपटककोे फुल चार्जमा १३० किलोमिटर यात्रा गर्ने क्षमता राख्दछ । यस इलेक्ट्रिक स्कुटरको ब्याट्री एकपटक फुल चार्ज गर्न ५ घन्टा लाग्छ ।
नेपालमा उपलब्ध गराइएको टेलजी लियोपार्ड एकपटककोे फुल चार्जमा १३० किलोमिटर यात्रा गर्ने क्षमता राख्दछ । यस इलेक्ट्रिक स्कुटरको ब्याट्री एकपटक फुल चार्ज गर्न ५ घन्टा लाग्छ । स्कुटरमा कि–लेस स्टार्ट, डिस्क ब्रेक, एलईडी डिस्प्ले, एलईडी लाइट, ट्युबलेस टायर, एन्टी थेफ्ट अलार्म, ५ स्टेप एड्जस्टेवल सस्पेन्सन, फास्ट चार्जिङ पोर्ट, ठूलो अन्डर सिट स्पेसलगायतका विशेषता छन् ।
नयाँ वर्षको उपलक्ष्यमा सार्वजनिक लियोपार्डमा २५ हजार रुपैयाँ बराबरको छुट पाइन्छ । हरेक ग्राहकले लियोपार्डको खरिदमा १५ हजार नगद छुट प्राप्त गर्नेछन् भने १० हजार रुपैयाँ बराबरको एसेसोरिज निःशुल्क पाउने छन् । एसेसोरिजमा ५ हजार बराबरको ब्लुटुथ हेलमेट, पिलियन ब्याक रेस्ट र फुट म्याट छन् ।
नेपाली बजारमा टेलजी लियोपार्ड रातो, सेतो र गोल्डेन गरी तीन कलरमा उपलब्ध रहेको छ । टेलजी लियोपार्डको मूल्य २ लाख १० हजार रुपैयाँ निर्धारण गरिएको छ । टेलजी ब्रान्डको स्कुटर विश्वका ७७ देशमा बिक्री भइरहेको छ भने यो चिनियाँ प्रमुख ३ ठूला उत्पादक कम्पनीमध्येको एक हो । टेलजी ब्रान्ड संयुक्त राष्ट्रसंघको इन्भाइरोमेन्ट ई–मोबिलिटी प्रोगाम पार्टनर तथा ट्राभल पार्टनर्समेत हो ।
नेपालमा भित्र्याएको टेलजी लियोपार्ड नेपाली भूगोल सुहाउँदो र नयाँ टेक्नोलोजीमा आधारित स्कुटर रहेको कम्पनीको दाबी छ । कम्पनीका अध्यक्ष राजेश राजकर्णिकारका अनुसार स्कुटरले नेपाली बजार सुहाउँदो मूल्य तथा अन्य कम्पनीको तुलनामा धेरै किलोमिटर रेन्ज दिने पक्का छ ।
उनले कम मोटर क्षमता तथा स्पेयर पार्टस्को उपलब्धताको अभावमा नेपालमा विद्युतीय स्कुटरले बजार नलिएको र योम मा ईले आफूले ल्याउने स्कुटर तथा मोटरसाइकल बढी मोटर क्षमता भएको तथा स्पेयर पार्टस् पनि पाउने सुनिश्चतता गरेको बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बाढीका कारण धार परिवर्तन गरेको मर्स्याङ्दीलाई पुरानै धारमा फर्काइयो
२०७८ साउन १६ गते शनिवार
भोलि र पर्सि उपत्यकाका यी ठाउँमा बत्ती जाने
२०७७ साउन २२ गते बिहिवार
विशेष कदम चाल्ने तयारीमा प्रधानमन्त्री ओली
२०७८ बैशाख ६ गते सोमवार
दोस्रो डोज लगाउन छुटेकालाई आजदेखि खोप लगाइँदै
२०७८ जेष्ठ १२ गते बुधवार