'
२३ पुस, काठमाडौं । रुसका १० लाखभन्दा बढी मानिसलाई कोरोनाभाइरसविरुद्धको खोप स्पुतनिक भी खोप दिइएको छ । खोप उत्पादक संस्थाले खोप लगाइएकोसम्बन्धी विवरण सामाजिक सञ्जाल ट्वीटरमार्फत् सार्वजनिक गरेको हो ।
कोरोनाभाइरसविरुद्धको खोप विकास गरिएको दाबी गर्नेमा रुस सबैभन्दा अगाडि थियो । जसले अगस्ट ११ मा खोप विकास गरिएको घोषणा गरेको थियो । त्यसपछि अन्य देशहरूले पनि विकास गरेको घोषणा गरेका थिए ।
खोपको प्रयोग भने सबैभन्दा पहिला बेलायतमा गरिएको घोषणा गरिएको थियो । त्यसपछि अरु देशहरूले पनि प्रयोगमा ल्याउने निर्णय गरेका थिए । तर, अहिलेसम्मका सबै खोप आपत्कालीन अवस्थामा मात्रै प्रयोग गर्न सुझाव दिइएको छ ।
रुसका राष्ट्रपति भ्लादिमिर पुटिनले रुसमा विकास गरिएको खोप स्पुतनिक भी ९५ प्रतिशतसम्म प्रभावकारी भएको यसअघि नै बताएका थिए । रुसकै केही स्वास्थ्य विशेषज्ञहरूले त यो खोप ९६ देखि ९७ प्रतिशतसम्म प्रभावकारी भएको दाबी गरेको पनि ट्वीटमा उल्लेख गरिएको छ ।
रुसी अरू विज्ञ अधिकारीहरूले पनि कोरोनाविरुद्धका अन्य खोपको तुलनामा स्पुतनिक भी बढी प्रभावकारी भएको दाबी गर्ने गरेका छन् । कोरोनाविरुद्धको खोप लगाउनेक्रम चलिरहे पनि रुसमा सङ्क्रमित भएकाहरू थपिनेक्रम पनि चलिरहेकै छ ।
कोरोनाकै कारण धेरै मानिस प्रभावित भएको मुलुकको सूचीमा रुस चौथो अग्रपंक्तिमा रहेको छ । रुसमा अहिलेसम्म ३३ लाख आठ हजारभन्दा बढी सङ्क्रमित भएका छन् भने ५९ हजार ९५१ जनाको कोरोनाका कारण मृत्यु भएको छ ।
विश्वभरि महामारीको रूपमा फैलिएको कोरोनाभाइरसबाट विश्वभरि अहिलेसम्म आठ करोड ६० लाखभन्दा बढी मनिस सङ्क्रमित भएका छन् । कोरोनाका कारण विश्वभरि अहिलेसम्म १८ लाख ७० हजारभन्दा बढीको मृत्यु भएको छ । -एएनआई
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ग्लोबल आइएमई र बोधि होल्डिङबीच सहुलियतमा आवासीय घर कर्जा प्रवाह गर्ने सम्झौता
२०७७ चैत्र ५ गते बिहिवार
भूकम्पपीडितको रकमबाट रेडक्रसका पदाधिकारीले खाए तलब !
२०७७ भाद्र १६ गते मङ्गलवार
पर्वतको जलजलामा १५ हजार रोपनी सार्वजनिक जग्गा अतिक्रमण
२०७७ पुष ९ गते बिहिवार
तिब्बत केन्द्र भएर शक्तिशाली भूकम्प, नेपालमा पनि धक्का महशुस
२०७७ साउन ८ गते बिहिवार