'
२३ पुस, पाँचथर । आफ्नै श्रीमतीको बन्चरो प्रहार गरी हत्या गरेर फरार रहेका एक व्यक्ति झुन्डिएको अवस्थामा मृत फेला परेका छन् । पाँचथरको हिलिहाङ–५, सुभाङका ३२ वर्षीय धनकुमार उभरकोटी घरबाट करिब तीन किलोमिटरपूर्व जंगलमा झुन्डिएको अवस्थामा फेला परेका हुन् ।
यही पुस ९ गते मध्यरात श्रीमती ३० वर्षीया दुर्गादेवी उभरकोटीको टाउकोमा बन्चरो प्रहार गरी हत्या गरेपश्चात् फरार रहेका उनी बुधबार गाउँकै जंगलमा झुन्डिएर मृत फेला परेको जिल्ला प्रहरी कार्यालय पाँचथरले जनाएको छ ।
पात्ले (कटुस)को रुखमा प्लास्टिकको डोरीले पासो लगाई झुन्डिएको अवस्थामा स्थानीयबासीले शव देखेपछि प्रहरीलाई खबर गरेका थिए । शव गन्हाउने भएकाले करिब एक हप्ताअघि नै उनले आत्महत्या गरेको हुनसक्ने स्थानीयबासीले अनुमान गरेका छन् । फिदिमस्थित पाँचथर जिल्ला अस्पतालमा शव परीक्षण गरिएको जिल्ला प्रहरी कार्यालय पाँचथरले जनाएको छ ।
गत पुस ९ गते मध्यरात धनबहादुरले टाउकोमा बन्चरोले प्रहार गर्दा दुर्गादेवीको मृत्यु भएको थियो । घटनापछि फरार धनबहादुरलाई प्रहरीले खोजी गर्दै आएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सुन चाँदीको मुल्य पुनः उकालो लाग्यो, हेर्नुहोस् कतिमा भईरहेको छ कारोबार ?
२०७८ असार २९ गते मङ्गलवार
अहिलेसम्मकै उच्च संक्रमण, पैसाबाट पनि कोरोना सर्ने
२०७७ असोज १६ गते शुक्रवार
दाहालको दौडधुप
२०७७ असोज २७ गते मङ्गलवार
अटोरिक्सा दुर्घटना हुँदा दुई जनाको मृत्यु
२०८० भाद्र २८ गते बिहिवार