
२३ पुस, काठमाडौं । नेपाली बजारमा आज सुनको मूल्य एकै दिन १३ सयले घटेको छ । नेपाल सुनचाँदी व्यवसायी महासंघले आज (बिहीबार) का लागि छापावाला सुनको मूल्य तोलाको ९५ हजार चार सय रुपैयाँ कायम गरेको छ ।
हिजो (बुधबार) तोलाको ९६ हजार ७ सय रुपैयाँमा कारोबार भएको थियो । मंगलबार भने एकै दिन तोलामा ११ सयले बढेको सुनको मूल्य बुधबार पनि तोलामा तीन सय रुपैयाँले बढेको थियो ।
यस्तै तेजाबी सुनको मूल्य पनि घटेर तोलाको ९४ हजार ९ सयमा आइपुगेको छ । बुधबार तोलाको ९६ हजार दुई सय थियो ।
चाँदीको मूल्य पनि तोलामा १० रुपैयाँले घटेर १३ सय ३० मा झरेको महासंघले जनाएको छ ।
प्रतिक्रिया दिनुहोस