'
२७ पुस, काठमाडौं । इटालियन सिरी ‘ए’ मा इन्टर मिलानले एएस रोमासँग बराबरीमा राेकिएकाे छ । गएराति भएकाे खेलमा मिलानले रोमासँग २-२ को बराबरी खेल्दै अंक बाँडेकाे हाे ।
खेलको अन्तिम ५ मिनेट बाँकी रहँदा अग्रतामा रहेपनि इन्टरले अग्रता जाेगाउन सकेनन् । खेलकाे १७ औं मिनेटमा लोरेन्जो पेलेग्रिनीले घरेलु टोली रोमलाई अग्रता दिलाएका थिए । उनके हेनरिक मिखीतार्यानको पासमा गरेको प्रहार डिफेन्डर एलेसान्द्रो बास्टोनीलाई लाग्दै गोल भएको थियो ।
दोस्रो हाफको ५६ औं मिनेटमा मिलान स्क्रिनियारले इन्टरका लागि बराबरी गोल गरे । त्यसको ७ मिनेटपछि अक्रफ हाकिमीले सुन्दर गोल गर्दै इन्टरलाई अग्रता दिलाए । दुवै गोलमा मार्सेलो ब्रोजोभिचले असिस्ट प्रदान गरेका थिए । जियानलुका मान्चिनीले ८६ औं मिनेटमा हेडरमार्फत गोल गरेपछि इन्टर जितबाट बन्चित भएको थियो ।
यस बराबरीसँगै इन्टर मिलानको १७ खेलमा ३७ अंक भएको छ । रोमाको १७ खेलमा ३४ अंक रहेको छ । शीर्षस्थानको एसी मिलानले १७ खेलमा ४० अंक जोडेको छ । साविक विजेता युभेन्टस १५ खेलमा ३० अंकसहित छैटौं स्थानमा छ । युभेन्टसले आज राती सासुओलोको सामना गर्दैछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सीमा विवाद पछि पहिलो पटक नेपाल र भारतबीच छलफल हुने
२०७७ साउन २८ गते बुधवार
सुनको भाउ एक लाख दुई हजार पाँच सय पुग्यो
२०७७ साउन २२ गते बिहिवार
लोकतन्त्र रक्षाका लागि सरकारको नेतृत्व काँग्रेसले गर्नुपर्छ : पूर्वराष्ट्रपति डा यादव
२०७७ चैत्र २८ गते शनिवार
हजका क्रममा कोभिड संक्रमण नभएको साउदी सरकारको जानकारी
२०७८ साउन ८ गते शुक्रवार