'
२७ पुस, काठमाडौं । अमेरिकी राष्ट्रपति डोनल्ड ट्रम्पले सत्ता विद्रोहको प्रयास गरेको भन्दै कार्यकाल सकिन लाग्दा महाभियोग लगाउने तयारी भएको छ । संसद् भवन क्पापिटलमा आक्रमण गराएर हिंसात्मक ढङ्गले नियन्त्रणमा लिन खोजेको र सत्ता विद्रोहको प्रयास गरेको भन्दै ट्रम्प विरुद्ध महाअभियोग लगाउने डेमोक्र्याटहरूको तयारी रहेको छ ।
बिबिसीका अनुसार तल्लो सदनका डेमोक्र्याटहरूले राष्ट्रपतिविरुद्ध ‘दङ्गालाई प्रोत्साहन गरेको’ आरोप लगाउने योजना छ । ट्रम्पविरुद्ध महाभियोग लगाउने प्रस्तावमाथि संसद्को तल्लो सदन हाउस अफ रेप्रिजेन्टेटिभ्समा छिटोमा मङ्गलवारसम्म मतदान हुनसक्ने बताइएको छ । ट्रम्पविरुद्धको महाभियोग प्रयाससँग जोडिएका केही प्रश्नको जवाफ राष्ट्रपति कार्यालय ह्वाइट हाउसले राजनीतिक रूपमा प्रेरित भन्दै महाभियोगको सम्भावना खारेज गरेको छ । त्यस्तो कदमले ‘हाम्रो महान् देशलाई थप विभाजित गर्न मात्र सघाउने’ ह्वाइट हाउसको भनाइ छ । प्रस्ताव ल्याइहाले पनि संसदको माथिल्लो सदन सिनेटबाट पारित हुन समय लाग्ने बताइएको छ ।
यदि उक्त प्रक्रिया अघि बढेमा ट्रम्प अमेरिकी इतिहासमा दुई पटक महाभियोगको सामना गर्ने पहिलो राष्ट्रपति हुनेछन् । त्यो सम्भव हुनका निम्ति महाभियोगको आरोप तल्लो संसद्मा ल्याएर पारित हुनुपर्नेछ । यसअघि पनि ट्रम्पविरुद्धको महाभियोग प्रस्ताव तल्लो सदनले पारित गरेको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना संक्रमणबाट एमाले प्रदेश कमिटी सदस्यको मृत्यु
२०७८ बैशाख ३० गते बिहिवार
चिनियाँ कम्युनिष्ट पार्टीद्वारा सीताको निधनप्रति दुःख व्यक्त
२०७७ कार्तिक २१ गते शुक्रवार
दाङमा यस वर्ष मकै उत्पादनमा वृद्धि
२०७७ कार्तिक १९ गते बुधवार
ग्यापु मार्केप्लेसको मोबाइल एप एक लाखभन्दा बढी डाउनलोड
२०७८ बैशाख २९ गते बुधवार