'
२७ पुस, भक्तपुर । भक्तपुरको सूर्यविनायक नगरपालिका वडा नम्बर ६ को पाण्डुबजारमा आगलागीबाट चारवटा पसल र एउटा कोठा खरानी भएको छ । आइतबार राति करिब १२ बजेको समयमा सूर्यबिनायक नगरपालिका ६ पाण्डुबजारस्थित जस्ताको टहरामा भोज बहादुर घिसिङले संचालन गरेको मासु पसलबाट आगलागी सुरु भएको थियो ।
प्रहरीको प्रारम्भिक अनुसन्धानमा अचानक बिजुलीको तार सर्ट भई उक्त आगलागी भई नजिकैको अन्य पसलहरुमा समेत सल्किन पुगेको महानगरिय प्रहरी परिसर भक्तपुरका सूचना अधिकारी डीएसपी दिपक गिरीले जानकारी दिएका छन् ।
आगलागीले रामकृष्ण चौगुठीको फर्निचर पसल, नारायण साडेमियाले सञ्चालन गरेको चिया पसल, विमल घिमिरेले सञ्चालन गरेको फेन्सी कपडा पसल र नरेश कर्माचार्यको कोठा जलेर नष्ट भएका छन् ।
आगोलागी हुदाँ बाह्र लाख ६० हजार बराबरको धनमाल जलि नष्ट भएको छ र मानवीय क्षति भने नभएको प्रहरीले जानकारी दिएको छ । घटनाको सम्बन्धमा थप अनुसन्धान कार्य भईरहेको सूचना अधिकारी डिएसपी गिरीले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
आश्रयको खोजीमा मेलम्चीवासी
२०७८ असार ४ गते शुक्रवार
बाँकेमा शुक्रबार ४९ जनामा कोरोना पुष्टि
२०७७ साउन २३ गते शुक्रवार
होली खेल्ने क्रममा कुटपिट हुँदा एक वृद्धाको मृत्यु, ६ जना घाइते
२०७७ चैत्र १७ गते मङ्गलवार
शिक्षकले पोशाक नलगाए भत्ता रोक्का
२०७७ मङ्सिर २१ गते आइतवार