'
२ माघ, काठमाडौं । भक्तपुरको सुर्यबिनायक नगरपालिका ९ पलासेमा एक व्यक्ति मृत अवस्थामा फेला परेका छन् ।
महानगरीय प्रहरी वृत जागातीको टोलीले सिन्धुपाल्चोक पाँचपोखरी थाङपाल गाउँपालिका वडा नम्बर ५ घर घर भएका ४५ वर्षीय साइला श्रेष्ठ भन्ने लक्ष्मीदास श्रेष्ठ मृत अवस्थामा फेला पारेको हो ।
बिहिबार राति ८ बजेतिर सुर्यविनायक पलासेस्थित गणेश बाल विकास स्कुल नजिकैको खोल्सामा घोप्टो परेको अवस्थामा शव फेला परेको महानगरीय प्रहरी परिसर भक्तपुरका डिएसपी दिपक गिरीले जानकारी दिए ।
मृतक दिउँसोको समयमा ज्याला मजदुरीको काम गर्ने र रातको समयमा गणेश बाल विकास स्कुलमा सुरक्षा गार्डको काम गर्ने गरेको डिएसपी गिरीले बताए ।
प्रहरीको प्रारम्भिक अनुसन्धानले श्रेष्ठले दिउँसो काम गरेर फर्कदाँ मादक पदार्थ सेवन गरेको र आफैँ खोल्सामा लडि मृत्यु भएको देखाएको छ ।
घटनाको थप अनुसन्धान गर्न पोष्टमार्टको लागि काठमाडौं मेडिकल कलेज दुवाकोट लगिएको डिएसपी गिरीले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
अझै रोकिएन पाटे बाघको आक्रमण
२०७७ चैत्र २३ गते सोमवार
शनिबार थप ८९९ जनामा कोरोना संक्रमण पुष्टि
२०७७ मङ्सिर २७ गते शनिवार
मुक्तिनाथ विकास बैंक, नेपाल राष्ट्र बैंक र केएफडब्लु डेभलपमेन्ट बैंकबीच सम्झौता
२०७७ कार्तिक २६ गते बुधवार
एनसेलको पेएजयूगो डेटा अब ४० पैसा प्रतिएमबी सम्ममा पाइने
२०७७ असोज १५ गते बिहिवार