'
६ माघ, काठमाडौं । चीनले नयाँ हाई स्पिड रेलको प्रोटोटाइप अर्थात् डिजाइन सार्वजनिक गरेको छ । यो रेल ६ सय २० किलोमिटर प्रति घण्टासम्मको गतिमा कुद्न सक्ने अधिकारीहरुले बताएका छन् ।
यो रेल उच्च–तापक्रमयुक्त सुपर कन्डक्टिङ (एचटिएस) शक्तिमा चल्नेछ, जस्तो कि चुम्बकीय ट्रयाकमा रेल तैरिरहेजस्तो देखिनेछ । २१ मिटर लामो प्रोटोटाइप १३ जनवरीमा सिचुआन प्रान्तको छेन्दु शहरमा सार्वजनिक गरिएको हो ।
यस प्रोटोटाइप तयार गर्ने काममा खटिएका दक्षिणपश्चिम जिआओतोङ विश्वविद्यालयका उपाध्यक्ष तथा प्रोफेसर हि चुआनले ३ देखि १० वर्षभित्रमा यो रेल सञ्चालनमा आउन सक्ने जानकारी दिए । ‘सिचुआनसँग दूर्लभ प्राकृतिक स्रोतहरु छन् । स्थायी चुम्बकीय ट्रयाकहरु निर्माणका लागि हामीलाई यो निकै फाइदाजनक हुनेछ ।’
विश्वको सबैभन्दा ठूलो हाई–स्पिड रेल नेटवर्क चीनमै छ, जो ३७ हजार किलोमिटरसम्म फैलिएको छ । त्यस्तै विश्वकै अति तिव्र व्यवसायिक रेल साङ्घाई माग्लेभ पनि चीनमै छ, यो चीनको पहिलो तिव्र गतिको माग्लेभ रेल हो । सन् २००३ बाट यसको शुभारम्भ भएको थियो ।
अधिकतम ४ सय ३१ किलोमिटर प्रतिघण्टाको उच्च स्पिडमा कुद्न सक्ने यो रेलले साङघाई पुदोङ विमानस्थल र पूर्वी साङघाईको लङयाङ सडकलाई जोड्छ । चीनले २०२२ को विन्टर ओलम्पिक अघि थप पूर्वाधार विकास गर्ने चटारो देखाइरहेको छ । विन्टर ओलम्पिक बेइजिङमा हुनेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एसिया कप क्रिकेटको उदघाटन कार्यक्रममा आज नेपालले पाकिस्तानसँग खेल्दै
२०८० भाद्र १३ गते बुधवार
१० हजार घुस लिएको अभियोगमा प्रहरी हवल्दारविरुद्ध मुद्दा
२०७७ माघ २३ गते शुक्रवार
भारतमा एक नेपाली बालक अलपत्र,चिन्ने सम्पर्कमा आउन प्रहरीको अनुरोध
२०७७ पुष १५ गते बुधवार
नेपाल प्रहरीको प्रवक्तामा एसएसपी कुँवर
२०७७ मङ्सिर ११ गते बिहिवार