'
११ माघ, सिमकोट । पुल निर्माणमा खटिएका कामदारले ज्याला नपाएको गुनासो गरेका छन् । विसं २०७६ भदौ २७ गतेदेखि नियमित काममा खटिएका कामदारले हालसम्म पनि ज्याला नपाएको गुनासो गरेका हुन् । हुम्लाको सिमकोट गाउँपालिका–७ र नाम्खा गाउँपालिका–१ मा पर्ने हेप्का खोलाको पुल निर्माणका लागि जिल्ला बाहिरबाट आएका कामदारले डेड वर्षदेखि काम गर्दा पनि ज्याला नपाएको गुनासो गरेका छन् ।
हिल्सा सिमकोट सडकखण्डअन्तर्गतको हेप्का खोला पुल निर्माण गर्ने कार्य तीव्ररुपमा सञ्चालन भइरहेको भए पनि ठेकेदारको लापरवाहीका कारण हालसम्म काम गरेको करीब रु १९ लाख रकम नपाएको कामदारमा खटिएका टोली नेता खुसीराम थारुले गुनासो गरे । हेप्का खोलाको पुल निर्माण गर्ने क्रममा कामदारलाई पहिलो पटक पेश्कीस्वरुप रकम दिने भनिए पनि ठेकेदारको लापरवाहीका कारण हालसम्म पनि सो रकम नपाएपछि कामदारले उक्त ठाउँमा रहेका होटल तथा पसलेसँग ऋण सापट गरेर जीविकोपार्जन गर्दै आएको उनले बताए ।
पुलमा काम गर्ने १२ कामदार कैलालीका रहेका छन् । थारुले भने, “पटकपटक ठेकेदार र हिल्सा सिमकोट सडक योजना कार्यालयलाई हारगुहार गर्दासमेत कुनै सुनुवाइ भएन, हामी जिल्ला बाहिरका नागरिक भएका कारण हेपा प्रवृति भएको छ ।” उक्त निर्माणधीन पुल २५ मिटर लम्वाइ, १४.३३ मिटर उचाइ र आठ मिटर चौडाइ रहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पशुपति कोटिहोम महायज्ञले पहिचान खुलाएको आचार्य कृष्ण दमाईको मन नै रुवाउने जीवन काहानी
२०८१ साउन २६ गते शनिवार
मंगलवार तोलामा ६०० रुपैयाँले बढ्यो सुनको मूल्य
२०७८ असार ८ गते मङ्गलवार
विप्लव समूहले शिक्षक हत्याको जिम्मेवारी लिँदै भन्यो, ‘प्रतिकारमा मारिए’
२०७७ मङ्सिर २३ गते मङ्गलवार
पाटन अस्पतालमा मृत्यु भएका युवकमा कोरोना पुष्टि, मृत्यु हनेको संख्या ३६ पुग्यो
२०७७ असार २३ गते मङ्गलवार