'
१३ माघ, पोखरा । पोखरामा ‘सिजी ब्रोज एण्ड नेल्स ट्रेनिङ इन्स्टिच्युट’ सञ्चालनमा आएको छ । सौन्दर्यको क्षेत्रमा गुरुङ ब्युटी पार्लर एण्ड एकाडेमिक प्रालि मार्फत् बेग्लै पहिचान बनाएकी चिनु गुरुङले महेन्द्रपुलमा सो इन्स्टिच्युट संचालनमा ल्याएकी हुन् ।
गुरुङले आफ्नो २५ वर्षको लामो अनुभव र समयको मागलाई मध्यनज गर्दै करिब ३० लाख लगानीमा शाखा सञ्चालनमा ल्याएको बताइन् । समारोहबीच अभिनेत्री आँचल शर्माले रिबन काटेर उद्घाटन गरिन् ।
विदेश अध्ययन गर्न जानेहरुमा पछिल्लो समय सौन्दर्य सीप दक्षताको माग भएकाले पनि इष्टिच्यूट खोलिएको संचालक गुरुङको भनाइ छ । पोखरा न्युरोडमा प्रधानकार्यालय रहेको एकेडेमीका अन्य ६ शाखाहरु संचालनमा छन् । जसमा ४६ जनाले रोजगार पाएका छन् ।
व्यवसायलाई सामाजिक उत्तरदायित्वसँग जोड्दै गुरुङले विपन्न, घरेलु हिंसामा पीडित एवम् अपाङ्गता भएकाहरुलाई निःशुल्क र न्यूनतमा शुल्कमा तालिम प्रदान गरेर स्वरोजगार बन्न प्रेरित गर्दै आएकी छन् ।
शाखा उद्घाटन समारोहमा पोखरा उद्योग बाणिज्य संघका नवनिर्वाचित अध्यक्ष नारायण कोइरालाले यो व्यवसायबाट पोखराले सौन्दर्य क्षेत्रमा फड्को मारेको बताए । उनले संघले इन्स्टिच्युटसँग मिलेर आगामी दिनमा सहकार्य गर्ने बताए ।
कार्यक्रममा मिस नेपाल–१९९७ नीलिमा गुरुङ, इभेन्ट्स फर युका म्यानेजिङ डाइरेक्टर विशाल गुरुङ, हस्तकला व्यवसायी रामकली खड्का लगायतको उपस्थिति थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
छोरी बलात्कार गर्ने बाबु पक्राउ
२०७७ असोज १२ गते सोमवार
कोरोना संक्रमणको जोखिम झन बढ्दै, देवघाटमा दोब्बर शव
२०७८ बैशाख २२ गते बुधवार
आजको मौसम कस्तो रहनेछ ?
२०८० भाद्र १० गते आइतवार
चिकित्सकको स्विकृती बिना औषधि बिक्री र खरिद गर्ने २ जना पक्राउ
२०७८ असार २० गते आइतवार