'
१४ माघ, धनुषा । अख्तियार दुरुपयोग अनुसन्धान आयोगको ७ घण्टे अप्रेशनपछि यातायात व्यवस्था कार्यालय जनकपुरधामले सम्पूर्ण लिखित तथा प्रयोगात्मक परीक्षा अनिश्चितकालका लागि स्थगित गरेको छ ।
अख्तियारको बर्दिबास कार्यालयबाट खटेको टोलीले मंगलबार साँझदेखि रातिको करीब साढे १० बजेसम्म छापामारेको थियो । यातायात व्यवस्था कार्यालय जनकपुरधामका निमित्त प्रमुख विरेन्द्र साहले बुधबार एक सूचना जारी गर्दै यस कार्यालयबाट हुने लिखित तथा प्रयोगात्मक परीक्षा कार्यव्यस्तताको कारण अनिश्चितकालको लागि स्थगित गरेको जानकारी दिएका छन् ।
सवारी चालक परिचय–पत्र वापत उठाएको घुसको रकम कार्यालय भित्रै रहेको भनि गोप्य सूचनाको आधारमा अख्तियारको टोलीले छापामारी गरेको थियो । सो अवधिमा अख्तियारको टोलीले कार्यालय प्रमुखसहित २ जना करारका कर्मचारी, १ जना कार्यालय सहयोगी र २ जनालाई विचौलियाको आरोपमा कार्यालय भित्रै थुनेर राखेको थियो ।
अख्तियारको टोलीले करिब ७ घण्टाको अप्रेशन गरे पनि कार्यालय सहयोगी भोगेन्द्र कापरलाई २ लाख २३ हजार ८ सय रुपैयाँ र बिचौलिया राज किशोर भगतलाई ५० हजार रुपैयासहित नियन्त्रणमा लिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
साढे चार घण्टापछि नारायणगढ–मुग्लिन सडकखण्ड एकतर्फी खुल्यो
२०७७ असोज २ गते शुक्रवार
कानून दिवस: स्वतन्त्र र निष्पक्ष न्यायपालिका सुनिश्चिततामा प्रधानन्यायाधीशको प्रतिबद्धता
२०७८ बैशाख २६ गते आइतवार
चार कर्मचारीमा कोरोना पुष्टि भएपछि पाटन नगरपालिका सिल
२०७७ असोज २९ गते बिहिवार
गाडीबाट झार्ने क्रममा मार्बलले किचेर गम्भीर घाइते दुई कामदारको हेलिकोप्टरबाट उद्धार
२०७७ असार २३ गते मङ्गलवार