समाचार

सत्ता र कुर्चिका लागि प्रधानमन्त्री ओलीलाई हटाउन खोज्दा समस्या आयो : मुख्यमन्त्री गुरुङ

prithbi subba gurung

१६ माघ, काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङले शहीद तिलक पाण्डेको सपना पूरा गर्न सरकार समृद्धिको बाटोमा अघि बढेको बताएका छन् ।

शहिद पाण्डेको स्मृतिमा निर्माण गरिएको सुन्दरबजार–२ परेवाडाँडास्थित मनकामना टोलमा स्मृति प्रवेशद्धारको आज दिउँसो उद्घाटन गर्दै सरकारले विकास, सुशासन र समृद्धिका पक्षमा काम गरिरहेपनि त्यस्तो देख्न नसक्नेले सत्ता र कुर्चिका लागि प्रधानमन्त्री केपी शर्मा ओलीलाई हटाउन खोजेकोले समस्या आएको बताए ।

मुख्यमन्त्री गुरुङले भने, “समृद्धिका लागि एकजुट भएर लागेमात्र उपलब्धि हासिल गर्न सकिन्छ ।” कार्यक्रममा निर्माण समितिका अध्यक्ष जगदिश सेढाइँले स्मृति प्रवेशद्धार निर्माणका बारेमा जानकारी गराउँदै सुन्दरबजार नगरपालिकाको ११ लाख ५० हजार र जनश्रमदानसहित १२ लाख लागतमा स्मृति प्रवेशद्धार निर्माण गरिएको बताए ।

सुन्दरबजार नगरपालिका–२ हाँडेटारामा विसं. २०२१ भदौ २९ गते जन्मनुभएका पाण्डेको विसं. २०६१ माघ १६ गते तत्कालीन माओवादीद्वारा परेवाडाँडाको सोह्र हजारमा गोली हानी हत्या गरिएको थियो ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *